Luk 23:5 - Tampulma

⁵ Ba fun a fiksi un a kaali chenani ba fun te fiksi a ŋɔ un, “Chenani baal nɔ yaa biksi nara tima zi nyɛ ba damu. O fun piili a biksi ba a li Galili pulum ni a la gali Judia pulum ni hali a wa li bar nɔ.”

Luk 23:5 Marejeleo ya Msalaba

Mat. 11:1

Saha naa Yesu fun ŋɔ o gantɛl tiŋsa nara fidalɛ ta ni a peti chen, o fun li dooni a kaali di o la biksi nara ba naa funɛ nyɛn tɔsi ni a dugli dooni Koosa laaboor weri ti wɛ.

Mat. 2:1

Ba funɛ lul Yesu a li tɔhɔn naa ba yir Bɛtlihɛm a li Judia pulum ni. Chen saha ti koor digi funɛ nyɛn doon a dɔ dooni. Ba funɛ yir un Hɛrɔd. Nara ba naa funɛ zim wula ta mun wɛ, ba waa funɛ wa Jɛrusalɛm a li nha bar yɛli ni.

Mat. 27:24

Pailɔt funɛ zimu di o wa zɛmɛ ta sɛm ta wa kpak mun ka ba daŋni ba dam, o fun zɔk ni a sɛm o nisa zɛmɛ ta maga suwachak ni a ŋɔ, “Mu nisa wa to baal nɔ sou ni. Ma waa dɔ un.”

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Maak 1:14

A gantɛl nɛɛ koor Hɛrɔd fun nyɛ ba kpak Jɔn a tɔ un dɛ, Yesu fun si dooni a kaali Galili pulum a wa mɔɔli Koosa laaboor weri ti a nyɛ nara ni,

Luk 11:53

Yesu funɛ sɛm chen peti, Koosa chiksɛ nibiksɛ ta awa Farisi tim ta fun na paan kinkan a du un ni. Saha ti kpa la ba fun a pɛɛsi un wu damata wɛ,

Luk 23:23

Ba funɛ chɛɛmi ta zaŋa a ŋɔ, “Kpaasi un a mari daakakli ti daha ni o sou.” Ba funɛ chɛɛmi chene,

Luk 23:6

Pailɔt funɛ nu sɛm ta, o fun pɛɛsi ba, “Baal nɔ ya Galili tim baallɛɛ?”

Jɔn 1:43

Chɔɔsa funɛ pisi Yesu fun kaali Galili pulum a la na baal naa ba yir Filip. O fun ŋɔ un, “Tiŋ min.” Filip fun si a tiŋ un.

Jɔn 19:15

Ba fun tɛsi a ŋɔ un, “Nyɛ ba kpa un a la kpaasi mari daakakli ti ni o sou.” Pailɔt fun ŋɔ ba, “Ma tusa tɔɔru di mu nyɛ ba ya ma koor ti chenn?” Koosa dam kɔkɔɔrsa ba naa funɛ nyɛn zɛmɛ ta ni, ba fun tɛsi a ŋɔ un, “Ya wa kpak koor digi a gbaari Siiza ni.”

Jɔn 2:11

Chenani Yesu fun nyɛ ni ti burgi sin Kena ni a li Galili pulum ni chen, funɛ te ya o tum zen. O tum zen ti funɛ biksi o gantɛl tiŋsi ta di Koosa kpok nyɛn un ni. O tum zen ti daha ba se fun su un.

Jɔn 7:41

Bɔnɛ fun ŋɔ, “Waa ya Kristo naa Koosa fun ŋɔ di o zi tumu chen.” Bɔnɛ ka fun bukoo ŋɔ, “Kristo wa zi ya Galili tim baal.

Jɔn 7:52

Ba fun pɛɛsi un, “I gbanko ya Galili tim narrɛɛ? Koosa sɛm tɔn ti bar digi wa to ba fun sɔbi di o witinsi ta digi ya Galili narrɛ.” ((

Tuma 10:37

Ma gbanko zim chenani Jɔn fun te chaksi Yesu wa ni ni ka chenani zi ya a li Galili pulum awa Judia tɔsa maga niu.

Tuma 23:10

Chenani Farisi tim ta awa Sajusi tima funɛ di amɔrɛ chen wa burgi yo. Hansura funɛ kpak lanjimasi ta nihɛɛ nyuhu tiin ti di ba zi huusi Pɔɔlu. O fun ŋɔ o lanjimasi ta ni ba zu kpak un yo ti bambaan ni a li a bur la zu ba dam kpok ti.

Tuma 5:33

Nihɛɛta ba naa funɛ lagmi chen, funɛ nu Pita sɛma, ba paan fun si ba ni ba daŋni ba kpu ba.

Tuma 7:54

Stivin funɛ sɛm peti chen, o sɛm ta fun zu ba naa nu chen, bambe ni. Ba paan fun si kinkan a du un ni,

Tuma 7:57

Ba maga fun tɔ ba diŋsa a la chɛɛmi, chen ni ba wa zi bu nu o sɛm ta a si a la nyirgi un.