Luk 23:25 - Tampulma

²⁵ O fun lisi naa nyɛ nara tima dam chen a kpu a nyɛ ba, a kpa Yesu a du ba nisa ni.

Luk 23:25 Marejeleo ya Msalaba

Mat. 27:26

Doone Pailɔt fun yisi Barabas a nyɛ ba, a nyɛ ba ka tuk Yesu wa vurmsi ni. Ba funɛ tuk un peti, o fun ŋɔ di ba kpa un a la kpaasi mari daakakli ti o sou.

Maak 15:15

Zɛmɛ ta nɔ sɛma daha, Pailɔt fun nyɛ Barabas li, amaa o funɛ kpa Yesu a nyɛ nara tima bɔnɛ ni di ba tuk un wa vurmsi ni. Ba funɛ tuk un peti, o fun ŋɔ di ba kpa un a la kpaasi mari daakakli ti o sou.

Luk 23:2

Ba fun fiksi Yesu o suwachak ni a ŋɔ, “Baal nɔ yaa mur ya narawa a ŋɔ ba di ba ta bɔ lampo a nyɛ koorsi ta nyuhu tiina Siiza ni. O titi fun ŋɔ di waa ya koor zen naa ba yir Kristo chen.”

Luk 23:24

hali Pailɔt wa la nɔɔni chenani ba daŋni.

Luk 23:26

Zɛmɛ ta awa lanjimasi ta fun kpa Yesu a kaali. Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. O fun li kɔha bar boli aa wa. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Luk 23:5

Ba fun a fiksi un a kaali chenani ba fun te fiksi a ŋɔ un, “Chenani baal nɔ yaa biksi nara tima zi nyɛ ba damu. O fun piili a biksi ba a li Galili pulum ni a la gali Judia pulum ni hali a wa li bar nɔ.”

Jɔn 18:40

Ba maga funɛ chɛɛmi a ŋɔ un, “Ya wara daŋni un. Ya daŋni baal naa ba yir Barabas chene.” Barabas funɛ ya nifuksirɛ. Chendaha Pailɔt fun tɔ un dɛ.

Jɔn 19:16

Doone Pailɔt fun ya chenani ba daŋni a nyɛ ba, a ŋɔ o lanjimasi ta ni ba kpa Yesu a kaali a la kpaasi a mari daakakli ti ni o sou.

Tuma 3:14

Ma ka fun sumi un di o kpa nara nikpuuli a nyɛ ma. Yesu nɔ funɛ ya tum were nitumirɛ ka Koosa fun lisi un di o tiŋ o tutɔ.