Luk 23:2 - Tampulma

² Ba fun fiksi Yesu o suwachak ni a ŋɔ, “Baal nɔ yaa mur ya narawa a ŋɔ ba di ba ta bɔ lampo a nyɛ koorsi ta nyuhu tiina Siiza ni. O titi fun ŋɔ di waa ya koor zen naa ba yir Kristo chen.”

Luk 23:2 Marejeleo ya Msalaba

Mat. 17:27

amaa ya wara daŋni ya muksi nara nama. Ma la bɛɛŋ ti a la yo konkunte a kpaksi nyinsa. Nyine naa ma wa te kpak, ma zi na malɛu o nɔ ni. Malɛ ta zi iiu a bɔ mu awa hin Koosa bar jɛɛmi dam lampo. Kpa a a la bɔ lampo nilalɛ ta.”

Mat. 22:21

Ba fun ŋɔ di, “Koor Siiza nyuhu tiina awa o sɔnnɛ.” O fun ŋɔ ba, “Tɔ, ma kpa koor Siiza nyuhu tiina kina a nyɛ un a ka kpa Koosa kina a nyɛ un.”

Mat. 27:11

Yesu fun chiŋi Pailɔt suwachak ni. Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

Maak 12:17

O fun ŋɔ ba, “Tɔ, ma kpa koor Siiza kina a nyɛ un a ka kpa Koosa kina a nyɛ un.” Ba funɛ nu chen, o fun ya ba alaazibu kinkan.

Maak 15:2

Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

Luk 23:14

O fun ŋɔ ba, “Ma funɛ kpa baal nɔu a wa mu wati a fiksi un di o daŋni nara tima damu. Mu zaamsɛ unu ma suwachak ni a zim di o nisa wa to chenani ma fiksi un chen ni.

Luk 23:5

Ba fun a fiksi un a kaali chenani ba fun te fiksi a ŋɔ un, “Chenani baal nɔ yaa biksi nara tima zi nyɛ ba damu. O fun piili a biksi ba a li Galili pulum ni a la gali Judia pulum ni hali a wa li bar nɔ.”

Jɔn 18:29

Gɔbnati nyuhu tiin ti sɔn funɛ ya Pailɔt. O fun li sal ti a la pɛɛsi Ju tim ta, “Baŋ nyuhu nee ma fiksi baal nɔ?”

Jɔn 18:30

Ba fun ŋɔ un, “O fu vɛ tum wu digi, ya fu wa zi kpa un a wa i wati.”

Jɔn 19:12

Pailɔt funɛ nu Yesu sɛma, o fun bu chiŋsi o bambi bar bɛgim a yisi un. Zɛmɛ ta funɛ nu chen, ba fun bu tɛsi a ŋɔ Pailɔt ni, “I nyɛ baal nɔ kaali, i wa tiŋ koorsi ta nyuhu tiina Siiza nɔ. Nar kpa o titi a burgi koora, o vɛ Siiza nɔrɛ.”

Tuma 24:13

Mu zimu di ba wa koti a biksi hin di chenani ba fiksi min chen ya wutirɛ,

Tuma 24:5

Pɔɔl nɔ chiŋɛ i suwachak ni nan, yaa muksi ya narau a huusi ma Roman tima ma naa dɔ ya. Doonani maga o la, ka Ju tim ta nyɛn, o yaa nyɛ tɔhɔn ti damu. O gbanko ya ba naa la tiŋ Nazarɛt nar, nidigi nyuhu tiinnɛ.

Room 13:7

O lawa ma bɔ chenani ba ŋɔu. Nara ŋɔɛɛ di ma bɔ lamposa, ma bɔ a nyɛ ba aa kinyɛ ba jirima a chi chenani o deŋli.