Luk 23:13 - Tampulma

¹³ Saha tirɛ Pailɔt fun yir Koosa dam kɔkɔɔrsi ta awa tɔhɔn nihɛɛti ta awa zɛmɛ ta ba lagmi o wati.

Luk 23:13 Marejeleo ya Msalaba

Maak 15:14

Pailɔt fun bu pɛɛsi ba, “Yɛrɛ? Tum tagna baŋnɛ o tumm?” Ba fun tɛsi kinkan a kaali chenani ba fun te tɛsi chen a ŋɔ, “Nyɛ ba kpaasi un a mari daakakli ti daha ni o sou.”

Luk 23:35

Zɛmɛ ta maga fun chiŋi a go aa nyini. Ju tim nihɛɛta ba naa funɛ nyɛn zɛmɛ ta ni, mɔmsi un a ŋɔ dɔŋ ni, “O laata fun yisi nara chen. O ya Kristo naa Koosa fun lisi a nyɛ o titi ni chen, ma nyɛ o lisi o titi.”

Luk 24:20

Ya Koosa dam kɔkɔɔrsi ta awa ya nihɛɛti ta fun kpa un a la du Pailɔt nin ni di o di o sou sɛria a kpaasi un a mari daakakli ti ni o sou.

Jɔn 12:42

Ju tim nihɛɛ damata funɛ nyɛ ba se su Yesu, amaa ba wa fun nyɛ ba se su un a li gbampulim ni, domi ba funɛ ɔm Farisi tim tawa. Farisi tim ta zim chenani ba ya, ba zi duŋni bau a li ba bar lagmi dɛɛni ni.

Jɔn 18:38

Pailɔt fun pɛɛsi un, “Baŋa ya wuti ti?” O fun bur kaali sal ti a la ŋɔ Ju tim ta ni, “N wa na wu tagin naa o tum. O nin wa toli.”

Jɔn 19:4

Ba funɛ ya chene, Pailɔt fun bu li Ju tim wati a ŋɔ ba, “Mu bu kaa la kpa un wa biksi mau, chen ni ma zi zimu di mu nyini un di o nisa wa toli.”

Jɔn 3:1

Baal digi funɛ nyɛn dooni, ba yir un Nikɔdimus. O funɛ ya Ju tim ta nihɛɛrɛ awa Farisi tim ta digi.

Jɔn 7:26

Maa na, o chiŋɛ gbampulim ni a biksi nara ka ya nihɛɛti ta vɛ ya un wu digi. Ami ba zimu di waa sir ya Kristo naa Koosa fun ŋɔ di o zi wa tumu chen.

Jɔn 7:48

Ma nihɛɛti ta awa Farisi tim ta nidigi wa to o si su un.

Tuma 13:27

Jɛrusalɛm tim ta awa ba nihɛɛta wa fun zim di Yesu ya naa Koosa fun ŋɔ di o zi ya chenu a nyɛ ba. Ba gbanko wa fun zim chenani Koosa witinsi ta fun sɔbi o wɛ a li Koosa sɛm tɔn naa ya yaa karimi ya hiisi wuzuna, ni chen mun. Jɛrusalɛm tim ta awa ba nihɛɛti ta funɛ di Yesu sou sɛria, ba fun nyɛ Koosa witinsi ta sɛm ta ya wuti.

Tuma 3:17

“Mu dɔŋtima, mu zimu di ma wa ma nihɛɛta wa fun zim chenani ma ya Yesu chen.

Tuma 4:5

Chɔɔsa funɛ wa pisi, Koosa dam kɔkɔɔrsi ta, Ju tim ta nihɛɛti ta, Koosa chiksɛ nibiksɛ ta,

Tuma 4:8

Koosa siim weri ti fun si Pita ni o ŋɔ ba, “Ma koorsi na awa ma nihɛɛta,