Luk 22:53 - Tampulma

⁵³ N yaa fun kaniu a biksi nara a li Koosa bar jɛɛmi dam ti ni ka ma vɛ wa kpak min. Sintana, naa nyɛn birsi ni, kpok ma kpa wa di ma wa kpak min.”

Luk 22:53 Marejeleo ya Msalaba

Mat. 21:23

Ba fun a bur wa Jɛrusalɛm a la zu Koosa bar jɛɛmi dam ti. Yesu funɛ biksi nara chene, Koosa dam kɔkɔɔrsi ta awa Ju tim nihɛɛti ta fun wa lagmi a pɛɛsi un, “Anti kpa kpok nɔ a nyɛ hin i koti aa tum tum na nan? Anti nyɛ hin nyinbaan di i val aa kiya nan?”

Luk 22:52

Doone Yesu fun ŋɔ Koosa dam kɔkɔɔrsi ta awa lanjimasa nihɛɛta ba naa la il Koosa bar jɛɛmi dam ti awa tɔhɔn nihɛɛta, ba naa wa di ba kpak un ni, “Mu ya ŋmɛɛrrɛ ma kpa chise zene awa daasa di ma wa kpak minn?

Luk 22:54

Ba fun kpa Yesu a kaali Koosa dam kɔkɔɔrsi ta nihɛɛ ti dama. Pita fun sogli gantɛl ni a tiŋ ba.

Jɔn 12:27

Doone Yesu fun burgi a ŋɔ ba naa nyɛn dooni, “Mu bambi bure min ni. Mu wa koti a sumi mu nyan ti di o lisi min a li kin naa kaa wa ya nan ni. O funɛ tum min di mu wa chem chene.”

Jɔn 13:30

Judas funɛ la boroboro ti, o fun vaan si a li. O funɛ ya dusum saharɛ.

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 7:30

Ju tim ta funɛ nu o sɛm ta, ba funɛ daŋni ba kpak un, amaa o kpaki saha ha wa fun tel. Chendaha nandigi wa fun gbaŋsi un.

Jɔn 7:45

Lanjimasa ba naa Koosa dam kɔkɔɔrsi ta awa Farisi tim ta fun tum di ba la kpak Yesu, fun bur wa wa nin hulɛ ni. Ju tim nihɛɛti ta fun pɛɛsi ba, “Yɛrɛ ma vɛ kpak un waali?”

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Ɛfɛ. 6:12

Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.

Kɔl. 1:13

O fun a yisi ya a li sintana naa nyɛn birsi ni, nin awa kpok ni, a kpa ya a la du o be daŋni koor ti ni.