Luk 22:42 - Tampulma

⁴² “Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”

Luk 22:42 Marejeleo ya Msalaba

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Mat. 11:26

Mu nyana, i funɛ tum chenani i titi daŋniu.”

Mat. 20:22

Yesu fun ŋɔ un, “Kin naa i sumi chen, i wa zim chenani o kaa wa du o gantɛl ni. Namsi naa n kaa wa namsi nan, i bisi ta zi wa koti namsi chenuu?” Ba fun ŋɔ di ba zi kotiu.

Mat. 26:39

O fun la suwachak tama a la pimi tɛɛnɛ ni a sumi Koosa a ŋɔ, “Mu kunyana, mu sumi hinu di o ya i tutɔrɛ i lisi namsi nɔ a li min ni. Nyɛ i tutɔ ti ya a kaali mu tutɔ.”

Mat. 26:42

O fun bukoo a la sumi Koosa a ŋɔ, “Mu kunyana, i daŋni mu na namsi nɔ, nyɛ i tutɔ ti ya.”

Mat. 26:44

Yesu fun vɛɛn a la sumi Koosa a chi chenani o fun te la sumi chen.

Mat. 6:10

Ya daŋni i wa dɔ narawa, chen ni ba zi tiŋ i tutɔ daŋni a li tɛɛnɛ nɔ maga niu a chi chenani i malaikasi ta tiŋ hin a li i tɔha ti ni chenu.

Maak 14:36

O fun bu sumi, “Mu kunyana, hin koti a ya kina maga. Chendaha muu sumi hin di i lisi namsi nɔ a li min ni. Nyɛ i tutɔ ti ya a kaali mu tutɔ.”

Luk 23:34

Ba funɛ tum chene, Yesu fun sumi Koosa a ŋɔ, “Nara nama wa zim chenani baa tum. Gil ba tum tagna a nyɛ ba.” Ba funɛ tum peti, ba fun kpa o gata a dau di ba yo walɛ di ba na anti kaa di a.

Jɔn 18:11

Yesu fun ŋɔ Pita ni, “Kpa i chisi ti a bur du o lɔk ni. Ta tɔ nyinbaan naa mu nyan ti ŋɔ di mu namsi.”

Jɔn 4:34

Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Jɔn 5:30

“Mu wa kikoti a tum wu digi mu titi nyuhu ni. Koosa yaa biksi min chenani mu zi di nara sɛria. Chendaha mu sɛria diili ya wuti saha maga. Mu wara daŋni mu tiŋ mu tutɔ, amaa naa tum min chen tutɔrɛ mu daŋni n tiŋ.

Jɔn 6:38

Waa funɛ tum min a li o tɔhɔn ti ni di mu wa tɛɛnɛ nɔ maga a wa tum o tutɔ. Mu wa wa di n wa tum mu tutɔrɛ.

Tuma 21:14

Ya zim di ya sɛm na wa zi nyɛ o gil laali, ya fun ŋɔ un, “I zimɛɛ di ya kunyana daŋni i ya chen, o deŋlu wa i ya chen.”