Luk 22:36 - Tampulma

³⁶ Yesu fun bu ŋɔ ba, “Chene mu fun ŋɔ ma saha ti. Amaa lalaknɔ nar kpak kapur awa bɔtɛ, o zer a a kpa la. Nar vɛ kpak chise zen, o kpa o takta a yogli a la yau digi.

Luk 22:36 Marejeleo ya Msalaba

Mat. 10:10

Ma ta zer buna a chi kapursa, takta wisa lɛ, natausa, koo daŋkpalsa. O deŋlu wa tumtumsa kidi a li ba tum nɛɛ.

Luk 22:35

Doone Yesu fun ŋɔ o gantɛl tiŋsi ta ni, “Ma lisi chenani n fun tum ma di ma la biksi a kitiibi nara. N funɛ ŋɔ mau di ma ta zer kapursa awa bɔtɛ akoo natausa. Kundɔŋ nya kpak mauu?” Ba fun ŋɔ un, “Kundɔŋ nya wa kpak ya.”

Luk 22:37

Ma nyɛ mu ŋɔ ma di chenani ba fun sɔbi mu wɛ a li Koosa sɛm tɔn ti ni, chen zi wa ya wutiu. Ba funɛ ŋɔ di, ‘Ba kpa min a gbaari ba naa la tum tum tagna chen ni.’ ”

Luk 22:38

O gantɛl tiŋsi ta fun ŋɔ un, “Ya kunyana, kina. Ya kpak chise zene lɛwa.” O ŋɔ ba, “Chen weru.”

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

1 Tɛs. 3:4

Saha naa ya fun nyɛn ma wati, ya fun te ŋɔ ma di ba zi wa namsi mau. Chen fun wa ya a chi chenani ya fun piin ŋɔ ma chen.

1 Pita 4:1

Kristo funɛ nyɛn tɛɛnɛ nɔ maga ni, o funɛ namsiu kinkan. Chendaha ma gbanko kisaksi ma lise ma zi namsiu. Chenani ma namsi zi suŋi mau ma gil ma tum tagna awa ma titi daŋnɛ,