Luk 22:12 - Tampulma

¹² O zi biksi mau dɛ zenzen bɛgim naa ba kɔɔri weru. Ba funɛ sa un a zɔŋ dɛ digi nyuhu nɛɛ. Ma la zu dɛ ti a saksi ya wa.”

Luk 22:12 Marejeleo ya Msalaba

Luk 22:11

a ŋɔ dam ti tiin ni, ‘Ya kunyana tum ya di ya wa pɛɛsi hin di, leene dɛ nyɛn o wa o gantɛl tiŋsi ta kaa wa di val la gali ti diwe ta?’

Luk 22:13

Pita awa Jɔn fun kaali a la zu tɔhɔn ti tuha a fun na chenani Yesu fun ŋɔ ba. Ba fun la saksi val la gali ti diwe ta dooni.

Jɔn 2:25

O wa funɛ daŋni di nara biksi un chenani nibinsa bambe du.

Jɔn 21:17

Yesu fun bu pɛɛsi un butor tiina, “Simɔn, Jonas be, ii daŋni minuu?” Pita funɛ nu ka Yesu pɛɛsi un butor tiina, o tuha fun chɔk. O fun ŋɔ, “Mu kunyana, hin zim chenani mu bambi du. I zimu di muu daŋni hinu.” Yesu fun bu ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisisa.

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Tuma 20:8

Ba funɛ sa dɛ naa tuhu ni ya lagmi chen a zɔŋ dɛ naa lɛ nyuhu nɛɛ. Fitin damata funɛ chiŋi dooni.