Luk 21:37 - Tampulma

³⁷ Yesu funɛ nyɛn Koosa bar jɛɛmi dam ti nɛɛ a biksi nara wuzu bilɛ. Dusum yaa fun a biriu, o li tɔhɔn ti ni a la chɔ Ɔlif bi nyuhu ni.

Luk 21:37 Marejeleo ya Msalaba

Mat. 21:1

Ba fun wa tel tɔha naa ba yir Bɛtfaji chen a fun wa tel bi naa ba yir Ɔlif chen a wa dugli Jɛrusalɛm. Yesu fun a tum o gantɛl tiŋsa nara balɛ a ŋɔ ba,

Mat. 21:17

Yesu fun gil ba a li tɔhɔn ti ni a kaali tɔhɔn naa ba yir Bɛtani a la chɔ dooni.

Mat. 26:30

Ba funɛ di diwe ta peti, ba fun lɔ bool a nyɛ Koosa ni a si a li kaali Ɔlif bi ti nyuha.

Mat. 26:55

Yesu fun burgi a ŋɔ zɛmɛ ta ni, “Mu ya ŋmɛɛrrɛ ma kpa chise zene awa daasa di ma wa kpak minn? N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min.

Maak 11:12

Chɔɔsa funɛ wa pisi, ba fun bu si Bɛtani ni a li kaali. Lɔsa fun wa kpak Yesu.

Maak 11:19

Zaazɔn saha funɛ wa tel, Yesu wa o gantɛl tiŋsi ta fun li tɔhɔn ti ni.

Maak 14:49

N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min. Chenani ba fun sɔbi saha digi a li Koosa sɛm tɔn ti ni la ya zinan chen.”

Luk 19:29

Ba fun wa tel tɔsi naa ba yir Bɛtfaji awa Bɛtani chen a fun wa tel bi naa ba yir Ɔlif chen. Yesu fun tum o gantɛl tiŋsa nara balɛ,

Luk 19:37

Yesu funɛ wa tel bi Ɔlif nyinbaan wilsi a daŋni o zu Jɛrusalɛm tuha, ba naa maga funɛ tiŋ un fun lisi tum zene naa maga ba fun na ka Yesu tum wɛ. Ba fun chɛɛmi a zaami a la pɛgi Koosa a daha a ŋɔ,

Luk 19:47

O funɛ duŋni ba peti, o fun biksi nara dooni wuzu bilɛ. Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta funɛ daŋni ba wa kpu un,

Luk 22:39

Yesu wa o gantɛl tiŋsi ta fun li dooni a kaali bi Ɔlif.

Jɔn 12:1

Wuzu bunɔra tuhu nɛɛ wuzu zen ti fun wa tel, Yesu fun bur kaali Bɛtani. Lazarus naa Yesu fun lɛli un a li o sou ni, funɛ nyɛn dooni.

Jɔn 18:2

Doone Yesu wa o gantɛl tiŋsi ta yaa la. Chendaha Judas, naa funɛ li Yesu gantɛl chen, zim dooni.

Tuma 1:12

Kin naa maga funɛ ya a li bi naa ba yir Ɔlif chen, nyuhu nee. Koosa malaikasa funɛ kaali, Yesu nitumɛ ta fun tu bi ti ni a la zu Jɛrusalɛm. Dooni awa Jɛrusalɛm funɛ ya maali purigire.