Luk 21:16 - Tampulma

¹⁶ Ma nyama awa ma numa, ma niinbisa, ma walɛ awa ma chɛnsa zi wa kpa mau a du ba naa la zi kpu ma bɔnɛ nisa niu.

Luk 21:16 Marejeleo ya Msalaba

Mat. 10:21

“Nara zi wa kpa ba niinbisau a la nyɛ nara ni ba kpu ba. Bisa nyama gbanko zi wa ya chenu. Bisa vɛɛn kaa wa ya ba nyama awa ba numa chene.

Maak 13:12

Chen saha ti wa tel, nibinsa zi wa kpa ba niinbisau a la nyɛ nara ni ba kpu ba. Bisa nyama gbanko zi wa ya chenu. Bisa vɛɛn kaa wa ya ba nyama awa ba numa chen.

Luk 12:53

N zi wa burgi nyama a du ba nibabichɛsa ni, nihabichɛsa a du ba num ni, awa ba bisa haanasa a du ba hilsa ni.”

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Luk 21:17

Nara maga zi wa ha mau n sɔn daha.

Tuma 12:2

O fun kpak Jems naa ya Jɔn maana, a ŋɔ o lanjimasi ta digi ni o kpa o chise zen a kpu un.

Tuma 7:59

Ba funɛ yaksi un chene, Stivin fun sumi ya kunyan ti a ŋɔ, “Mu kunyana Yesu, la mu siima.”

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.