Luk 20:17 - Tampulma

¹⁷ Yesu fun nyini ba a pɛɛsi, “Ma ha wa karimi Koosa sɛm tɔn ti a zim o muna doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok a ya kibirigii?’

Luk 20:17 Marejeleo ya Msalaba

Mat. 21:42

Yesu fun pɛɛsi ba, “Ma ha wa karimi Koosa sɛm tɔn ti aa zim o muna doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigi? Koosa zi kpa un a baŋ dɛ ti zɛchik ni. Koosa tuma funɛ chi chene. A fun ya nara alaazibu kinkan.’ ”

Maak 10:23

Yesu fun a nyini nara tima a go a ŋɔ o gantɛl tiŋsi ta ni, “Ba naa ya kin tima, o zi bɔm ba watiu hali ba wa koti a zu Koosa koor ti.”

Maak 12:10

Yesu fun pɛɛsi ba, “Ma ha wa karimi Koosa sɛm tɔn ti aa zim o mun doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigii? Koosa zi kpa unu a baŋ dɛ ti zɛchik ni.

Maak 3:5

Yesu fun na paan a nyini a go ba a zim di ba bambe kpoku. O fun ŋɔ baal ti ni di o tuuni o nin ti. O fun tuuni o nin ti. O nin ti fun vaan peti.

Luk 19:41

Yesu funɛ wa dugli Jɛrusalɛm, o fun chiŋi a wi o daha.

Luk 22:37

Ma nyɛ mu ŋɔ ma di chenani ba fun sɔbi mu wɛ a li Koosa sɛm tɔn ti ni, chen zi wa ya wutiu. Ba funɛ ŋɔ di, ‘Ba kpa min a gbaari ba naa la tum tum tagna chen ni.’ ”

Luk 22:61

Yesu fun burgi a nyini Pita. O fun vaan lisi chenani Yesu fun ŋɔ un di o zi wa tɔ butorau di o wa un wa zim dɔŋa, ka zimal yeli zinan.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 15:25

Ba funɛ ha ya chene di chenani ba sɔbi a li Koosa sɛm tɔn ti ni chen zi ya watiu. Ba funɛ sɔbiu a ŋɔ, ‘Ba ha minu ka o vɛ kpak mun.’

Tuma 4:11

Ba funɛ sɔbi Yesu wɛu a li Koosa sɛm tɔn ti ni a ŋɔ, ‘Buŋkul naa tɛsaalsa fun vɛ chen, waa ya buŋkul kpok aa ya kibirigi.’

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

1 Pita 2:6

Ba fun a sɔbi a li Koosa sɛm tɔn ti ni di o ŋɔ, “Mu funɛ lisi buŋkul zenu naa mu kpa sa dɛ koŋa ni a li Jɛrusalɛm ni. Ba naa maga se su Kristo, o wa zi buti ba.”