Luk 2:37 - Tampulma

³⁷ O funɛ ya luhaannɛ bun fummɛnasa danaasiwa. O funɛ nyɛn Koosa bar jɛɛmi dam ti nɛɛ a vɛ la bar digi. Nha wa dusum maga, o yaa funɛ jɛɛmi Koosarɛ a la sumi un a la vɔu nɔ.

Luk 2:37 Marejeleo ya Msalaba

Luk 5:33

Doone nara bɔnɛ fun wa ŋɔ Yesu ni, “Yɛrɛ Jɔn gantɛl tiŋsa awa Farisi tim ta gantɛl tiŋsa yaa vɔu nɔ a sumi Koosa ka i waa gantɛl tiŋsi ta vɛ vɔwi?”

Tuma 13:3

Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 26:7

Ya buuri nara fidalɛ ba naa maga yaa jɛɛmi Koosa, kpak bambi bɛgimu a li vɔwi ti ni. Koor Agripa, Ju tim ta fiksi minu i suwachak ni zinan, domi mu gbanko kpak bambi bɛgimnɛ un ni.

1 Tim. 5:5

Luhaan vɛ kpak nandigi o nyini un ka o kpak bambi bɛgim Koosa ni a la sumi un di o suŋi un nha awa dusum, o ya luhaan wutirɛ.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.