Luk 18:9 - Tampulma

⁹ Yesu gbanko funɛ ŋɔ jɛɛgi nɔ a nyɛ ba naa funɛ baa di ba yaa tum tum werewa aa nyini ba dɔŋtima a chi bichɛsa.

Luk 18:9 Marejeleo ya Msalaba

Luk 10:29

Amaa baal ti funɛ zimu o bambi ni di o bɔmu o wati di o daŋni nara maga. Adaha o fun bu pɛɛsi Yesu, “Anti ya mu dɔŋtiina?”

Luk 15:2

Farisi tim ta awa Koosa chiksɛ nibiksɛ ta bɔnɛ funɛ lagmi dooni. Ba funɛ na lampo nilalɛ ta awa tum tagna nitumɛ ta ka ba chiŋi dooni, ba zulimi a la ŋɔ dɔŋ ni, “Baal nɔ, o tuha funɛ sɔɔniu o na ba ka ba wa chen. Hali o wa ba lagmi a di diwe.”

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

Luk 19:7

Zɛmɛ ta funɛ na chenani yɛɛ, ba funɛ zulimi Yesu a la ŋɔ dɔŋ ni, “Baal nɔ zu wu tagni tiina damnɛ.”

Luk 7:39

Farisi tim ta baal naa funɛ yir Yesu di o wa ba di diwe chen, funɛ na chenani nihaan ti tum, o fun lisi o bambi ni, “Baal nɔ sir ya Koosa witinsa ta digirɛ, o fu zi zim di haan naa la gbaŋsi un nan, ya tum tagna nitumirɛ.”

Jɔn 8:48

Doone Ju tim ta fun ŋɔ Yesu ni, “Ya ŋɔɛɛ di i ya Samaria tim nidigirɛ ka alizin tagin kani i nyuhu ni, wuti laata ya sɛm?”

Jɔn 9:28

Ba funɛ nu o sɛm ta chen, ba funɛ zulimi un a ŋɔ, “Hin ya o gantɛl tiŋsi ta digi. Ya waa ka ya ya nawaal Mosis gantɛl tiŋsa.

Jɔn 9:34

Ba fun ŋɔ un, “Ba funɛ lul hin di i yaa kitum tum tagniwa. I kpa i nyuhurɛ a mo yaa?” Ba fun zaksi un a li ba bar jɛɛmi dɛ ti ni a ta.

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Room 10:3

Ba ha wa fun zim Koosa nyinbaan naa nyɛ o vɛ na nibinsa galimsa a kpaŋi aa kɔɔri ba titi nyinbaan di o du chen. Chendaha ba fun vɛ la chenani o koti a tum a nyɛ ba.

Room 14:10

Chen ya wuti, yɛrɛ maa di ma dɔŋtima sɛria saha maga? Yɛrɛ ma nyini ba ba ya chi bichɛsa? Wuzu digi ya maga zi wa chiŋiu a li Koosa sɛria bar diili ni.

Room 14:3

Naa kote a di kina maga, o ta nyini naa la di disa duŋduŋ o chi bichɛla. Naa la di disa duŋduŋ, o ta di naa la di kina maga sɛria. Koosa funɛ la ba magau.

Room 7:9

Mu ha wa fun zim chiksɛ ta wuti wɛ muna, o chi mu funɛ nyɛnu, amaa mu funɛ wa zim a wuti muna, o chi mu funɛ sou. Tum tagna fun na nyinbaan di a tum chen.