Luk 18:12 - Tampulma

¹² N yaa vɔu nɔ bilɛwa wuzu bunɔpɛ tuhu ni, aa lisi kin nawara maga n la chen fi a nyɛ hin.’

Luk 18:12 Marejeleo ya Msalaba

Mat. 5:20

Koosa chiksɛ nibiksɛ ta awa Farisi tim ta yaa ŋɔ nara ni di ba tiŋ Koosa nyinbaan. Ma daŋni ma zu Koosa koor ti, o lawa ma tiŋi iiu a kaali ba kinkan.”

Mat. 6:1

“Ma tum tum were a nyɛ nara ni, ma ta nyɛ a li gbampulim nara maga naali. Ma tum chen, ma wa zi na papaha a li ma kunyan Koosa naa nyɛn o tɔha ti ni.

Mat. 6:16

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.

Mat. 6:5

“Ma sumi Koosa, ma ta sumi a li gbampulim ni. Nara bɔnɛ daŋni ba chiŋi yau ni awa ba bar lagmi dɛɛni nɛɛ a sumi Koosa di nara na ba a pɛgi ba. Ma nu mu sɛma. Chenani nara pɛgi ba ya ba papaha,

Mat. 9:14

Wuzu digirɛ Jɔn naa funɛ chaksi nara wa ni ni chen, gantɛl tiŋsa fun wa pɛɛsi Yesu, “Yɛrɛ ya wa Farisi tim ta gantɛl tiŋsa yaa vɔu nɔ, ka i waa gantɛl tiŋsi ta vɛ vɔwi?”

Luk 11:42

“Ma Farisi tim ta, yɛrɛ o kaa wa du ma ni? Ma nyɛ ya lisi kin nawara ma kpa du ma disa ni a lɛm. Koosa chiksɛ ta biksɛɛ di ma lisi kibɛgim a li kin fi ni a nyɛ Koosa ni. Ma tiŋ au ka chen wer. Koosa chiksɛ ta gbanko biksi di maa tum tum werewa a nyɛ nara ni a kidaŋni Koosa. Kin nama ya wu birigi a kaali suwachak kin tima kinkan, amaa ma wara tum a.

Luk 17:10

Ma tum ma tuma a nyɛ Koosa ni a chi tumtum ti. Ma tum chen peti, ma lisi ma tusa ni, ‘Ya duŋduŋ ya o tumtumsa. Ya tum chenani o daŋni ya tumu.’ ”

Room 3:27

Ya zi kotiu a pɛgi ya titi domi ya funɛ tiŋ Koosa chiksɛ dahaa? Ya wa kikoti. Ya zi koti a pɛgi ya titi kundɔŋ wɛuu? Aai. Koosa wa zi bu na ya galimsa a li ya se suuli ni. Chendaha ya vɛ koti a pɛgi ya titi.

1 Kɔr. 1:29

Chendaha nibine wa to a la zi koti a nyɛ o titi jirima Koosa wati,

Gal. 1:14

Mu funɛ tiŋ chenani Ju tim ta tiŋu nɛnɛ a kaali ba naa nyuuna mak dɔŋa. Mu se funɛ sɛriu kinkan di mu wa tiŋ mu nawaalsi ta nyinbaan.

Ɛfɛ. 2:9

Chendaha ma vɛ kpak nyinbaan a daŋni sɔn.

1 Tim. 4:8

I kpa i bara a tum di o kpok, chen weru, amaa ii tiŋ Koosa nɛnɛ, waa bɔɛɛ kinkan, chen ni i zi tum o tumau lalaknɔ awa saha naa wa wa.