Luk 16:9 - Tampulma

⁹ Yesu fun bukoo sɛm ba, “Wutirɛ mu ŋɔ ma, ma kpa ma kina a li ma nyɛni ni a suŋi nara, chen ni a bu vɛ wa kpak wu digi wa ma, Koosa zi wa la ma du o tɔhɔn naa nyɛn hali saha naa vɛ kpak bɔ.

Luk 16:9 Marejeleo ya Msalaba

Mat. 19:21

Yesu fun ŋɔ, “Ii daŋni Koosa nyɛ hin o mi fali, kila a la kpa i kina maga a yogli a kpa malɛ ta a nyɛ fara tim ni a wa tiŋ min. I ya chen, i zi wa na kinau a li Koosa wati.”

Mat. 6:19

“Ma ta chiŋsɛ kidamata a li tɛɛnɛ nɔ maga ni. Chau awa doon zi wa chɔk au ka ŋmɛɛrsa chɔk dɛ ti a zu ŋmɛ a dooni.

Mat. 6:24

“Nibɛgim wa kisuŋi nihɛɛta nara balɛ. O zi daŋni digiu a ha digi. O si zi su digiu a vɛ digi. Chen vɛɛna, ma wa zi koti a tum a nyɛ Koosa ni a ya si tima.

Luk 11:41

Ma zer ma diwe awa ma kinyɔɔlɛ ta a nyɛ fara tim ni. Ma ya chen, ma tusa wa zi bu kpak doŋa.

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 14:14

Ba wa kpak nyinbaan a la zi bɔ hin chenani i ya ba chen. Chenani i suŋi ba zi nyɛ i tuha sɔɔniu. Tɛɛnɛ nɔ maga siili wa tel ka Koosa wa lɛli niwere ta a li ba sou ni, o zi wa bɔ hin i chimu i tim were daha.”

Luk 16:11

Ma se vɛ su a li kin naa Koosa kpa nyɛ ma ma nyɛni nɔ ni, o wa zi bu wa kpa o kin naa nyɛn o tɔhɔn ti ni a du ma nisa ni wuzu digi.

Luk 16:13

“Nibɛgim wa kisuŋi nihɛɛti nara balɛ. O kaa ya chen, o zi daŋni digiu a vɛ digi. O si zi su digiu a ta nyɛ digi wa jirima. Chen vɛɛna, ma wa kisuŋi Koosa a kpak kina a ya ma nihɛɛ.”

Luk 16:4

Mu kunyan ti wa duŋni min a li mu tum ni, n zim chenani n zi yau n chɛnsa la min du ba dam ni.’

Tuma 10:31

a ŋɔ, ‘Kɔnilius, chenani ii sumi Koosa a la suŋi fara tim ta chen sɔɔnɛ o tuha.

Tuma 10:4

Kɔnilius fun kpa o se a zɔŋ un ni. Hansura kpak un a li o nyini ti ni. O fun ŋɔ un, “Mu kunyana, baŋnɛ i daŋni mu suŋi hin?” Malaika ti fun bu ŋɔ un, “Chenani ii sumi Koosa a la suŋi fara tim ta chen sɔɔnɛ o tuha. Chendaha o fun tum min i wati.

2 Kɔr. 4:17

Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.

Juud 1:21

Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.