Luk 16:8 - Tampulma

⁸ O kunyan ti funɛ nu di o nihɛɛ ti mur unu, o funɛ pɛgi un di o tum nɛha tumau.” Yesu funɛ sɛm chen peti, o fun ŋɔ o gantɛl tiŋsi ta ni, “Tɛɛnɛ nɔ maga nara yaa lagmi a tum nɛha tumawa a kaali chenani tu chaan tima tum.”

Luk 16:8 Marejeleo ya Msalaba

Mat. 12:32

Nara pini n waa nibine be, Koosa zi koti a gil chen a nyɛ bau. Nara ka pini Koosa siim weri ti, Koosa wa zi gil chen a nyɛ ba, hali saha naa vɛ kpak bɔ.”

Mat. 17:26

Pita fun ŋɔ un, “Hɔɔri ta bɔu.” Yesu fun bukoo ŋɔ di, “Chen duuti pulum ti tima wa zi bɔ,

Luk 16:10

Nar si su a li kin tam naa Koosa nyɛ un, o si gbanko zi su kidamatau. Nar si vɛ su a li kin tam naa Koosa nyɛ un, o si gbanko ka wa zi su kidamata.

Luk 16:4

Mu kunyan ti wa duŋni min a li mu tum ni, n zim chenani n zi yau n chɛnsa la min du ba dam ni.’

Luk 16:7

O fun bukoo ŋɔ digi ni, ‘Aŋmɛnwa i fun pɛŋ?’ O fun ŋɔ un, ‘N funɛ pɛŋ mɛ boto kɔkrɛ.’ Nihɛɛ ti fun ŋɔ un, ‘I tɔn ti i fun pɛŋ mɛ ta a sɔbi du chen nɛɛnɛ. Nyɛ ya chɛɛsi un a ta a sɔbi kifali di i pɛŋ mɛ boto fummɛnasarɛ.’

Luk 18:6

Yesu funɛ ŋɔ jɛɛgi ti peti, o fun ŋɔ ba, “Ma lisi chenani sɛria nidiili tagin ti tum.

Luk 20:34

Yesu fun ŋɔ ba, “Lalaknɔ nyɛni nɔ, nibaala kpa haanasiwa.

Luk 20:35

Ba wa siti, Koosa zi wa lɛli ba naa o fun lisi a nyɛ o titi niu a li ba sou ni a nyɛ ba o mi fali naa vɛ kpak bɔ. Chen nibaali ta wa zi kpa chen nihaani ta.

Jɔn 12:36

Mu ha nyɛn ma wati wuzu bilɛ nan, ma nyɛ ma se su min, chen ni ma nyinbaan zi chaaniu saha maga.” Yesu funɛ sɛm peti, o fun la sogli o titi.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

Ɛfɛ. 5:8

Ma funɛ vɛ te zim Koosa, ma funɛ nyɛn birsi nee, amaa lalaknɔ ma wa Yesu Kristo ya nibɛgimnɛ, ma nyɛn nha nɛɛ. Chendaha maa tiŋ a chi ba naa nyɛn nha ni chen tiŋ.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

1 Tɛs. 5:5

Ma maga chi fitin timwa aa tum gbampulim ni. Ya wa chi birsa tima a sogli aa tum.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Jɔn 3:10

Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.