Luk 16:25 - Tampulma

²⁵ Abraham fun ŋɔ un, ‘Mu be, lisi chenani i fun nyɛn awa i miisi ni a kpak kina kinkan ka Lazarus vɛ kpak kundɔŋ. Lalaknɔ i namsiu kinkan ka o tuha sɔɔni kinkan bar nɔ.

Luk 16:25 Marejeleo ya Msalaba

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Maak 9:45

Nibine ka kpa o naŋgeri a tum tum tagna aa tiŋ tum tagna nyinbaan, o teŋ o naŋgeri ti a yo ta, domi nibine naa kpak naŋgeri bɛgim a kpak Koosa miisa, waa bɔɛɛ wa o kpak naŋgere alɛ a la zu din dam ti.

Luk 16:20

Fara tiina gbanko funɛ nyɛn dooni. Ba funɛ yir un Lazarus, ka o kpak chɔɔra kinkan o bara ni. O dam walɛ yaa fun kpa un a la kansi malɛ tiin ti bulzɔɔnɔ ni,

Luk 16:23

O funɛ namsiu kinkan a li din dam ti ni, o fun a lɛli o se a na Lazarus ka o la kani Abraham wati bar boli ni.

Luk 16:26

Nɛŋtɛŋbɔ luŋi nyɛn ya wa ma bambaan ni. Ya wa kiji un a la dɔŋ wati.’

Luk 6:24

Yɛrɛ o kaa wa du ma naa vɛ daŋni Koosa suŋi ma lalaknɔ. O wa zi koti a wa dɔ ma.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Room 8:7

Ba naa la lisi ba bara kina wɛ, ba waa ya Koosa dɔma. Ba wa tiŋ o nɔ. Hali ba daŋni baa tiŋ o nɔ, ba wa kikoti.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

1 Tɛs. 3:3

Ma ta bur gantɛl ba la muksi ma daha. Ma zimu di o ya Koosa tutɔrɛ di ba zi namsi ba naa tiŋ o nyinbaanu.

Ju 11:25

O funɛ daŋni di o wa Koosa nara lagmi a namsi a kaali chenani o funɛ daŋni o tum tum tagna wuzu bilɛ a na tu sɔɔna.

1 Jɔn 2:15

Ma ta daŋni di ma tiŋ chenani tɛɛnɛ nɔ tim maga tiŋ. Maa daŋni tɛɛnɛ nɔ tim maga kina, ya kunyana Koosa daŋni ti wa to ma bambe ni.

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.