Luk 16:16 - Tampulma

¹⁶ “Chiksɛ naa Koosa fun kpa nyɛ Mosis ni awa chenani Koosa witinsi ta fun sɔbi chen biksi ma chenani ma zi nyɛn, hali saha naa Jɔn fun wa a biksi ma di Koosa duglɛu wa o dɔ nara. Lalaknɔ nidamata se sɛrɛu di o dɔ ba.

Luk 16:16 Marejeleo ya Msalaba

Mat. 10:7

Ma la biksi ba di saha zi wa telu Koosa dɔ nara.

Mat. 15:11

Kin naa la zu ma nɔɔna wara nyɛ ma doŋa, amaa kinkin naa la li ma nɔɔna ni, a warɛ nyɛ ma doŋa.”

Mat. 21:32

Jɔn naa funɛ chaksi nara wa ni ni chen, funɛ wau di o wa biksi ma nyinbaan deŋli ma tiŋ, amaa ma se wa fun su o biksi ti. Lampo nilalɛ ta awa nihaana ba naa la daŋni nibaala yɔri yɔri, ba se ka funɛ su o biksi ti. Hali ma yaa fun a na nan, ma vɛ gil ma tum tagna a tiŋ un.”

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Maak 1:14

A gantɛl nɛɛ koor Hɛrɔd fun nyɛ ba kpak Jɔn a tɔ un dɛ, Yesu fun si dooni a kaali Galili pulum a wa mɔɔli Koosa laaboor weri ti a nyɛ nara ni,

Maak 1:45

Zagum ti fun kaali a vɛ tiŋ chenani Yesu ŋɔ un, amaa o funɛ sɛm nara maga niu chenani Yesu ya nyɛ un. Domi o funɛ sɛm chen, Yesu wa fun koti a zu tɔsa see o sogli a wa, ka o fun kaali a la nyɛn nyabaan ni. Lalaknɔ nara fun li bawu maga a wa o wati.

Luk 10:11

‘Ya funɛ wa di ya biksi ma di saha ti telu di Koosa dɔ nara, amaa ma vɛ nu ya sɛma. Chendaha ya kpa ma tɔhɔn ti hɛɛra a naa nyɛn ya naŋgere ni chen a pisi a a ta.’

Luk 10:9

Ma tiibi ba wichɔɔrsa aa ŋɔ ba naa nyɛn dooni chen, ‘Saha ti telu di Koosa dɔ nara’.

Luk 16:29

Abraham fun ŋɔ un, ‘Mosis awa Koosa witinsi ta funɛ sɔbi sɛm damatau a wa biksi nara bar namsi ti wɛ a du Koosa sɛm tɔn ti ni. Nyɛ i niinbisa karimi chenani ba sɔbi chen aa tiŋ ba nɔ.’

Luk 16:31

Amaa Abraham funɛ ŋɔ unu, ‘Hali nandigi wa si o sou ni, ba wa zi nu o sɛma, domi ba piin vɛ Mosis awa Koosa witinsi ta nɔu.’ ”

Luk 9:2

O funɛ daŋni o tum bau ba la biksi nara di Koosa daŋni o dɔ bau.

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Jɔn 11:48

O lawa ya ya wu digiu o wati. Ya gil un o kaali, nara ta maga zi bur a tiŋ un. Ba ya chen, Roman tima ba naa dɔ ya, zi wa chɔk Koosa bar jɛɛmi dam tiu a kpu ya maga.”

Jɔn 12:19

Farisi tim ta funɛ nu chenani zɛmɛ ta zaami un, ba funɛ ŋɔ dɔŋ ni, “O di yau. Ma nyini a na nidamata ba naa tiŋ un.”

Jɔn 5:4

Ba fun a pɔ niiti ta pali. Saha wau Koosa malaika wa tu wa a nyɛ nii ti pali. A gantɛl ni nar ka te tu bɛɛŋ ti chen, chen tiina wichɔɔta ti zi wa tibiu.))

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.