Luk 15:6 - Tampulma

⁶ a yir o chɛnsa awa o dɔŋtima di ba wa lagmi o dam ni. Ba wa lagmi, o zi ŋɔ bau, ‘Mu na piisi nyuksi tiu, adaha ma nyɛ ma wa min tusa sɔɔni.’ ”

Luk 15:6 Marejeleo ya Msalaba

Luk 1:58

O walɛ awa o dɔŋtima funɛ nu chenani Koosa ɔm o siki kinkan ka ba wa un kpak tu sɔɔna kinkan.

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:24

N funɛ baa di n be nɔ sowu, amaa o ha vɛɛn nyɛnu. Mu funɛ nyuksi unu, amaa lalaknɔ mu na unu.’ O fun kpa o be ti wa di ba lagmi a di diwe.

Luk 15:5

O wa la na un, o tuha zi sɔɔniu kinkan. O zi zer unu a baasi a la dama,

Luk 15:7

Doone Yesu fun ŋɔ Farisi tim ta awa Koosa chiksɛ nibiksɛ ta ni, “Tum tagna tiina gil o tum tagna yaali a burgi tiŋ Koosa nyinbaan, ba naa nyɛn o tɔhɔn ti ni, tusa zi sɔɔniu o daha a kaali nara kɔkwa di kibɛgim wa to ba naa piin bur tiŋ un.”

Jɔn 15:14

Ma tiŋ chenani mu fun biksi ma, mu zi zimu di ma ya mu chɛnsiwa.

Jɔn 3:29

Nar kpa haan, waa dɔ un. Mu chi haan fali baal chɛnnɛ. Mu wa dugli un a nu o sɛma, mu tuha yaa sɔɔniu kinkan. Nara ta wa li mu wati a la Yesu wati di o chaksi ba wa ni ni, mu tuha yaa sɔɔniu kinkan a kaali chenani o fun te sɔɔni.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Tuma 15:3

Yesu nitiŋɛ ta maga fun tiŋ ba a li ta nyinbaan ni. Ba funɛ nyɛn nyinbaan ni a la chene, ba fun ŋɔ Yesu nitiŋɛ ba naa nyɛn Fonisia pulum awa Samaria pulum chenani ba naa vɛ ya Ju tima nidamata funɛ gil ba tum tagna a bur tiŋ Koosa. Chenani Antiɔk tim ta fun ŋɔ ba nyɛ ba tusa sɔɔni kinkan.

Filip. Tima 1:4

Muu sumi un ma daha, mu tuha sɔɔniu kinkan.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Filip. Tima 4:1

Mu niinbisa, mu yaa daŋni mau kinkan. Ma waa ya mu jirima nara aa nyɛ mu tuha sɔɔni saha maga. Mu bi daŋnɛ, mu daŋni mu ŋɔ mau chenani ma zi tiŋ ya kunyan, chen ni ma zi kpak unu nɛnɛ.

1 Tɛs. 2:19

Amaa ma duŋduŋ ya ya jirima nara a nyɛ ya tusa sɔɔni a nyɛ ya kpak bambi bɛgim, domi saha naa ya kunyan Yesu wa bur wa, ya zi wa a di nyusumu o suwachak ni ma daha.

1 Pita 2:10

Saha digi o wa fun dɔ ma, amaa lalaknɔ o dɔ mau. O wa fun a ɔm ma siki saha digi, amaa ma la unu lalaknɔ.

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.