Luk 15:28 - Tampulma

²⁸ O funɛ nu sɛm ta, o fun na paan kinkan di o wa zi la zu dam ti. O nyan ti funɛ nu di o bi hɛɛ ti na paannɛ, o fun li a wa sumi un di o wa gbaari ba ni.

Luk 15:28 Marejeleo ya Msalaba

Mat. 20:11

O funɛ bɔ ba ba malɛ, ba fun a piili zulimi a du ŋmaha tiin ni.

Maak 1:40

Zagum digi fun si a wa gbiri o suwachak ni a sumi un, “I fu la nɔɔni, i fu tiibi mu wichɔɔr ti nɔu.”

Luk 13:34

Doone Yesu fun burgi a ŋɔ zɛmɛ ba naa funɛ li Jɛrusalɛm chen, “Ma Jɛrusalɛm tima. Ma yaa kpu witinsa ba naa Koosa tum ma wati. Mu yaa daŋniu n kok ma maga bu damata a chi zimi kok o bisa awa o chɛnɛ ni. Amaa ma wara daŋni n kok ma.

Luk 15:2

Farisi tim ta awa Koosa chiksɛ nibiksɛ ta bɔnɛ funɛ lagmi dooni. Ba funɛ na lampo nilalɛ ta awa tum tagna nitumɛ ta ka ba chiŋi dooni, ba zulimi a la ŋɔ dɔŋ ni, “Baal nɔ, o tuha funɛ sɔɔniu o na ba ka ba wa chen. Hali o wa ba lagmi a di diwe.”

Luk 15:27

Tumtum ti fun ŋɔ un, ‘I niinbe ti bur wa dama awa alaafɛ ni. I nyan ti kpu o nuchamsi a nyɛ un o bur wa dam daha.’

Luk 15:29

Amaa o fun ŋɔ o nyan ti ni, ‘Kunu mu wati. Bunsa naa maga n tum a nyɛ hinu a chi yoma a la nu i nɔ. I wa nyɛ min hali buun di n wa mu chɛnsa kɔɔrigi a di diwe.

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Luk 5:30

Ba naa funɛ ya Farisi tim ta awa Koosa chiksɛ nibiksɛ ta bɔnɛ, funɛ na bau ka ba di diwe ta. Ba fun a zulimi a pɛɛsi o gantɛl tiŋsi ta, “Yɛrɛ ma kunyana awa wu tagna tima wa lampo nilalɛ ta lagmi a di diwe?”

Luk 7:39

Farisi tim ta baal naa funɛ yir Yesu di o wa ba di diwe chen, funɛ na chenani nihaan ti tum, o fun lisi o bambi ni, “Baal nɔ sir ya Koosa witinsa ta digirɛ, o fu zi zim di haan naa la gbaŋsi un nan, ya tum tagna nitumirɛ.”

Tuma 13:45

Ju tim ta bɔnɛ funɛ na zɛmɛ ta, ba funɛ di handɔta kinkan. Ba funɛ pini Pɔɔl zoma a ŋɔ o sɛm ta wa ya wuti.

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Room 10:19

Ma nyɛ mu bu pɛɛsi ma, Ju tim ta wa zim laaboor ti munn? Ba zimu. Mosis titi funɛ sɔbi di Koosa ŋɔ, “Mu zi nyɛ ma kpak handɔtau a du ba naa mu vɛ lisi a chi ma. Mu zi nyɛ ma na paanu a du ba naa ma yir womna ni.”

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.