Luk 15:24 - Tampulma

²⁴ N funɛ baa di n be nɔ sowu, amaa o ha vɛɛn nyɛnu. Mu funɛ nyuksi unu, amaa lalaknɔ mu na unu.’ O fun kpa o be ti wa di ba lagmi a di diwe.

Luk 15:24 Marejeleo ya Msalaba

Mat. 8:22

Yesu fun ŋɔ un, “Tiŋ min lalaknɔ, ka nyɛ ba naa vɛ tiŋ min sogli un.”

Maak 8:22

Ba fun wa tel tɔhɔn naa ba yir Bɛtseida a li Galili pulum ni. Ba funɛ wa tel dooni, nara bɔnɛ fun kpa nyulum digi a wa Yesu wati a wa sumi un di o kpa o nin a gbaŋsi un di o se lɛli.

Luk 10:19

Maa nu mu sɛma. N funɛ kpa n kpoku a nyɛ ma, chen ni ma zi kpak kpoku a kaali sintan ti kpok saha maga. Hali ma zi kotiu a val duma awa numsi daha ka a ta ya ma wu digi.

Luk 15:23

Ma wa ya nan a peti, ma la kpak mu nuchamsi a kpu a ya diwe ya wa lagmi a di awa tu sɔɔni.

Luk 15:25

“Be ti nyan ti funɛ zaami un nyinbaan ti ni, bi hɛɛ ti waa funɛ nyɛn ŋmaha nɛɛ. O funɛ li ŋmaha ti a wa dugli dama, o fun nu kimuse awa boola a li o nyan ti dam ni.

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Luk 15:4

“Nar kpak o piisisi kɔkwa ka a kibɛgim nyuksi, yɛrɛ ma lisi di o zi yau? O zi gil o dɔŋtim ta aa di diwe a la dɛu unu.

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Luk 9:60

Yesu fun ŋɔ un, “Tiŋ min lalaknɔ a la biksi nara di Koosa daŋni o dɔ bau. Nyɛ ba naa vɛ tiŋ min sogli un.”

Jɔn 11:25

Yesu fun ŋɔ, “Min ya naa la zi koti a lɛli nara a li ba sou ni a nyɛ ba bu kpak miisa. Naa si su min ka o sou, mu zi ya chenu a nyɛ un.

Jɔn 5:21

Waa lɛlɛ siwɛ a li ba sou ni. Mu waa naa ya o be gbanko lɛlɛ siwɛ naa mu yisi a li ba sou ni.

Room 11:15

Koosa funɛ vɛ Ju tim tau ba vɛ kpak se suuli daha, o fun burgi a daŋni o wa ba naa vɛ ya Ju tima ya nɔ bɛgim. O wa la Ju tim ta, chen la zi nyɛ ba naa vɛ ya Ju tima na nyɔɔra hali a la gali.

Room 12:15

Maa nyɛ ma tusa wa ba naa tusa sɔɔnɛɛ sɔɔni. Ma bukoo nyɛ ma tusa wa ba naa tusa chɔkɛɛ chɔk.

Room 6:11

Maa zim di ma wa ma tum tagna wa bu kpak wu digi wa dɔŋ ni. Koosa funɛ kpa o mi fali ti a nyɛ ma, domi ma wa Yesu Kristo ya nibɛgimnɛ. Maa nyɛn a sɔɔni o tuha.

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

1 Kɔr. 12:26

Bara luk pɛkha vɛ kpak alaafɛ, o bara maga la wi chen. Nara pɛgi bara luk pɛkha digi, ba pɛgi bara magawa.

Ɛfɛ. 2:1

Saha digi ma yaa funɛ tum tum tagniwa a vɛ tiŋ Koosa nɔ. Ma funɛ chi nisitɛwa.

Ɛfɛ. 2:5

a fun wa na ya ka ya yaa chi nisitɛ ya tum tagni ta daha. O fun yisi ya a li ya tum tagna ni di ya tiŋ un o lɛli ya a li ya sou ni a chi chenani o fun lɛli Yesu Kristo chen. Koosa funɛ suŋi yau kinkan a la gali chen ni.

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Kɔl. 2:13

Saha digi ma funɛ ya ba naa vɛ ya Ju timwa a vɛ zim Koosa. Ma tum tagna funɛ nyɛ ma chi nibin sitɛ. Lalaknɔ Koosa funɛ lɛli mau a li ma sou ni a chi chenani o fun lɛli Kristo chen. Waa funɛ gil ya tum tagna maga a nyɛ ya.

1 Tim. 5:6

Amaa luhaan naa ka tiŋ o titi daŋni, o nyɛnu a chi o wa zim Koosa.

Juud 1:12

Ba wa ma lagmɛɛ di ma di diwe, ba nyini ba duŋduŋnɛ a la di a la nyɔ kinkan. Chen la chɔk ma lagmi ti. Ba chi dobaala naa peha ya a vɛ mi doone. Ba chi bugili naa vɛ koti a nɔɔnirɛ, chen ni nara wa hur a luta a chɛsi a siti.

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.