Luk 15:2 - Tampulma

² Farisi tim ta awa Koosa chiksɛ nibiksɛ ta bɔnɛ funɛ lagmi dooni. Ba funɛ na lampo nilalɛ ta awa tum tagna nitumɛ ta ka ba chiŋi dooni, ba zulimi a la ŋɔ dɔŋ ni, “Baal nɔ, o tuha funɛ sɔɔniu o na ba ka ba wa chen. Hali o wa ba lagmi a di diwe.”

Luk 15:2 Marejeleo ya Msalaba

Mat. 11:19

N waa min nibine be funɛ wa a vɛ vɔu n nɔ, nara maga funɛ ŋɔ dɔŋ ni, ‘Ma nyini baal nɔ. O ya pumpo tiinne a la nyɔ sin kinkan. O ya lampo nilalɛ chɛnnɛ awa ba naa la tum tum tagna gbankore.’ Koosa biksi nara o wuti nyinbaanisa, a naa kurgɛu.”

Mat. 9:11

Ba naa funɛ ya Farisi tim ta bɔnɛ, funɛ na bau ka ba di diwe ta. Ba fun pɛɛsi o gantɛl tiŋsi ta, “Yɛrɛ ma kunyana wa wu tagna tima awa lampo nilalɛ ta lagmi a di diwe?”

Luk 15:3

Yesu funɛ zim chenani ba ŋɔ dɔŋ niu, o fun jɛɛgi jɛɛgɛ a ŋɔ ba,

Luk 19:7

Zɛmɛ ta funɛ na chenani yɛɛ, ba funɛ zulimi Yesu a la ŋɔ dɔŋ ni, “Baal nɔ zu wu tagni tiina damnɛ.”

Luk 5:30

Ba naa funɛ ya Farisi tim ta awa Koosa chiksɛ nibiksɛ ta bɔnɛ, funɛ na bau ka ba di diwe ta. Ba fun a zulimi a pɛɛsi o gantɛl tiŋsi ta, “Yɛrɛ ma kunyana awa wu tagna tima wa lampo nilalɛ ta lagmi a di diwe?”

Luk 7:34

N waa min nibine be funɛ wa a vɛ vɔu n nɔ, nara maga fun ŋɔ di, ‘Ma nyini baal nɔ. O ya pumpo tiinnɛ a la nyɔ sin kinkan. O ya lampo nilalɛ chɛnnɛ awa ba naa la tum tum tagna gbankore.’

Luk 7:39

Farisi tim ta baal naa funɛ yir Yesu di o wa ba di diwe chen, funɛ na chenani nihaan ti tum, o fun lisi o bambi ni, “Baal nɔ sir ya Koosa witinsa ta digirɛ, o fu zi zim di haan naa la gbaŋsi un nan, ya tum tagna nitumirɛ.”

Tuma 11:3

“Baŋnɛ i la nyɛn ba naa vɛ teŋsi ni wati? Hali ba ŋɔ yau di i gbaari ba ni a di diwe.”

Gal. 2:12

Pita wa o dɔŋtima ba naa vɛ ya Ju tima, bɔnɛ funɛ te lagmi dɔŋ ni di ba di diwe. Amaa ba naa Jems fun tum, bɔnɛ funɛ wa, Pita wa ba wa fun bu lagmi dɔŋ ni a di diwe. Ba naa Jems fun tum chen la daŋni ba teŋsi Yesu nitiŋɛ ba naa vɛ ya Ju tima chen.

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.