Luk 14:3 - Tampulma

³ Yesu fun na un a pɛɛsi Koosa chiksɛ nibiksɛ ta awa Farisi tim ba naa nyɛn dooni, “Yɛrɛ Ju tim ta chiksɛ ta biksi ya? O deŋlu mu tiibi baal nɔ hiisi wuzu ti koo o wa deŋlii?”

Luk 14:3 Marejeleo ya Msalaba

Mat. 12:10

Baal digi funɛ nyɛn doon. O nin fun sou. Ba naa funɛ nyɛn dooni nyini di ba na Yesu galimsa a koti a fiksi un. Ba fun wa pɛɛsi un, “I tiibi nar ya hiisi wuzu, i chɔk ya chi tiuu?”

Mat. 12:2

Farisi tim ta bɔnɛ funɛ na chenani ba tum, ba fun ŋɔ Yesu ni, “Yɛrɛ i gantɛl tiŋsi ta chɔk ya chiili wuzu hiisi ti?”

Mat. 22:35

Ba nidigi funɛ ya Koosa chiksɛ nibiksi a daŋni o mo Yesu lo a pɛɛsi un,

Maak 3:4

a ŋɔ nara tima ni, “Ma zim Koosa chiu. Hiisi wuzu ti ma ya chi di ma ya wu werewa a nyɛ nara ni, akoo ma ya chi di ma ya wu tagniwa a nyɛ nara nii? Ma nyɛ nara miisa koo ma kpu nara, o leemawa maa chi?” Ba fun moori.

Luk 14:2

Baal digi funɛ nyɛn dooni a fun wa Yesu wati. O nisa awa o naŋgere funɛ fɔɔsiu.

Luk 14:4

Amaa ba fun moori. Yesu fun a tiibi baal ti a nyɛ o kaali.

Luk 6:9

a ŋɔ nara tima ni, “Ma zim Koosa chiu. Hiisi wuzu ti ma ya chi di ma ya wu werewa a nyɛ nara ni, akoo ma ya chi di ma ya wu tagniwa a nyɛ nara nii? Ma nyɛ nara miisa koo ma kpu nara, o leemawa maa chi?”

Jɔn 7:23

Ma daŋni ma tiŋ Mosis chiksɛ ta, ma teŋsi ma bisa hiisi wuzu. Yɛrɛ ma na paan a du min ni mu tiibi nibine ma hiisi wuzu daha?