Luk 14:23 - Tampulma

²³ Adaha kunyan ti fun bukoo ŋɔ o tumtum ti ni, ‘Kila nyinbaanasa naa vɛ dugli tɔhɔn nɔ a la kpaksi nara a wa su mu dam ti.

Luk 14:23 Marejeleo ya Msalaba

Mat. 21:43

Yesu funɛ sɛm a la mak o bɔ, o fun ŋɔ ba, “Baal ti ŋmaha ti chi Koosa koor tire. Koosa zi wa duŋni mau a li o koor ti ni a bu nyɛ ba naa la tum tum were chiŋi ma bar chiŋi ni.” ((

Mat. 5:41

Nandigi muksi ma di ma chuŋi o buna a val maal bɛgim, ma val maalisa lɛ a gbaari.

Luk 14:22

O tumtum ti fun li a kaali a la tum chenani o kunyan ti ŋɔ un. O funɛ bu bur wa, o fun ŋɔ un, ‘Mu tum chenani i daŋniu, amaa i dam ti ha wa vɛɛn su.’

Luk 14:24

Mu ŋɔ hinu, mu wa zi bu yir ba naa mu fun te yir ya lagmi a di diwe.’ ”

Luk 24:29

Ba wa funɛ daŋni o waligi ba ni a ŋɔ un, “Dusum daŋni o biriu, adaha nyɛn ya wati.” O fun la nɔɔni ka o wa ba fun la zu tɔ we ti a nyɛn dooni.

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 18:6

Ju tim ta wa fun la nɔɔni a nu chenani o biksi ba chen a sɛm sɛm tagna a du un ni. Pɔɔl fun burgi o gantɛl a chak ba a ŋɔ ba, “Koosa na ma galimsa a ta ma yɔri a li ma nɛɛ. O wa li min ni. Saha nɔ kpa la n wa zi bu biksi ma. Mu ka zi la biksi ba naa vɛ ya Ju tim tau.”

Tuma 28:28

Pɔɔl fun bukoo ŋɔ ba, “Mu daŋni ma zimu di ba naa vɛ ya Ju tima na nyinbaanu di ba nu Koosa laaboor weri ti di o daŋni o yisi bau a li ba tum tagna ni ba tiŋ un. Ba nidamata zi nu unu.” ((

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 10:18

Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

2 Kɔr. 5:11

Domi ya ɔm ya kunyan tiu, chendaha muu daŋni mu biksi ma di yaa tum Koosa tuma wa wutirɛ. Waa zim di ya tum o tuma wutirɛ. Mu si su di ma gbanko zi tum chenu.

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.