Luk 13:14 - Tampulma

¹⁴ Ba bar lagmi dɛ ti nihɛɛ funɛ na chenani Yesu tiibi haan ti hiisi wuzu ti, o fun na paan. Adaha o fun si a ŋɔ ba naa funɛ nyɛn dooni chen, “Ma ta kpa ma wichɔɔrsa a wa bar nɔ hiisi wuzu di ba na alaafɛ. Ma kpa ba a wa ya tum wuzu bunɔra ta tuhu ni.”

Luk 13:14 Marejeleo ya Msalaba

Mat. 12:2

Farisi tim ta bɔnɛ funɛ na chenani ba tum, ba fun ŋɔ Yesu ni, “Yɛrɛ i gantɛl tiŋsi ta chɔk ya chiili wuzu hiisi ti?”

Maak 5:22

Ba bar lagmi dɛ nihɛɛ digi funɛ gbaari zɛmɛ ta ni. O sɔn funɛ ya Jairus. Saha naa o fun wa na Yesu, o fun la gbiri o suwachak ni,

Luk 6:11

Farisi tim ta awa Koosa chiksɛ nibiksɛ ta, ba paan fun si ba ni kinkan. Ba funɛ na dɔŋa chenani ba zi ya Yesu.

Luk 6:7

Farisi tim ta awa Koosa chiksɛ nibiksɛ ta bɔnɛ funɛ nyɛn dooni a nyini Yesu di ba na o zi tiibi baal ti hiisi wuzu tiu koo o wa zi tiibi. Ba funɛ nyiniu di ba na Yesu galimsa a koti a fiksi un.

Luk 8:41

Ba bar lagmi dɛ nihɛɛ digi funɛ gbaari zɛmɛ ta ni. O sɔn funɛ ya Jairus. Saha naa o fun wa na Yesu, o fun la gbiri o suwachak ni a sumi un,

Tuma 13:15

Nandigi funɛ karimi a li chiksɛ naa Koosa fun kpa nyɛ Mosis ni awa tɔni naa Koosa witinsi ta fun sɔbi ni. Doone bar lagmi dɛ ti nihɛɛta fun tum nandigi di o la ŋɔ ba, “Ya niinbisa, ma zim chenani ma zi sɛm a kpami nara tima, ya nyɛ ma nyinbaanu di ma ya chen.”

Tuma 18:17

Ba nidigi sɔn funɛ ya Sɔstenis. O wa funɛ ya ba bar lagmi dɛ ti nihɛɛti ta digi. Ba funɛ li sal ti, ba naa funɛ nyɛn doon chen, bɔnɛ fun kpak un a tuk dooni. Nandigi fun la ŋɔ Galio ni chenani ba ya un, amaa o baga wa fun to.

Tuma 18:8

Ba bar lagmi dɛ ti nihɛɛta digi sɔn funɛ ya Krispus. O wa o walɛ fun nyɛ ba se su ya kunyan ti. Ba naa funɛ nyɛn Kɔrint ni, nidamata fun nu Koosa laaboor weri ti a nyɛ ba se su un. Doone Yesu nitiŋɛ ta fun chaksi ba wa ni ni.

Room 10:2

Mu ya ba sɛhɛra tiina di ba se sɛrɛu di ba tiŋ un nɛnɛ. Amaa ba wa zim chenani ba zi tiŋ un wa wuti ni.