Luk 12:5 - Tampulma

⁵ Ma ka ɔm Koosa naa koti a chɔk ma bara a kpa kpok a zi kpak ma a du din dam ti ni. Wutirɛ mu ŋɔ ma, maa ɔm un.

Luk 12:5 Marejeleo ya Msalaba

Mat. 10:28

Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Maak 13:23

Ma doso. Mu piin te ŋɔ mau chenani ba zi wa yau.”

1 Tɛs. 4:6

Nandigi ta daŋni o dɔŋtiin haan, akoo fuksi un. Nar la ya nan, o tum tum taginnɛ a nyɛ un. Ya funɛ piin ŋɔ mau kin na wɛu a tɛ ma nin kinkan di ba naa la tum tum tagna nan, Koosa zi wa lɛrgi ba diŋsau a ta ba yɔri.

Ju 10:31

Ba naa wa zu Koosa naa nyɛnɛɛ, nin ni, yɛrɛ hansura zi kpak ba a mak.

2 Pita 2:4

O funɛ kpa o malaikasa ba naa funɛ tum tum tagna, bɔnɛ a du din dam ni. Waa funɛ nyɛ ba kpa ba a ta birsa bar nyɛni ni hali saha naa Koosa wa wa di o di tɛɛnɛ nɔ tim maga sɛria.

JɔnN Deesi 14:7

O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 20:14

Ba fun kpa sou kpok awa nisitɛ bar nyɛni a yo du bɛɛŋ naa din nyɛn saha maga ni di a wa chɔk.