Luk 12:45 - Tampulma

⁴⁵ Amaa tumtum naa o lisɛ chen vɛ ya wuti tiina, o titi niu di o kunyan ti zi vusiu. Adaha o zi tuk o daŋ tumtumsi ta. O gbanko zi la lagmi ba naa nyɔ sin a dɛɛsiu a di diwe.

Luk 12:45 Marejeleo ya Msalaba

Mat. 22:6

Ba naa funɛ ka chen, fun kpaksi koor ti tumtumsi ta kpok ni a tuksi ba hali ba wa siti.

Luk 12:44

N ŋɔ ma wutirɛ, o kunyan ti zi nyɛ o nyini o kina magau a nyɛ un.

Luk 12:46

A wuzu naa o vɛ lisi di o kunyan ti zi wau, o zi wau. O kunyan ti zi wa na paanu kinkan a kpa un a gbaari ba naa vɛ tum chenani ba ŋɔ ba a ta un yɔri. Dooni o zi wa wiu kinkan a se o nyina.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Jɔn 2:10

“Nara yir ba dɔŋtima di ba lagmi a di diwe, ba yaa te kpa sin lɛmnɛ a nyɛ ba di ba nyɔ. Ba wa nyɔ sin lɛm ti puŋ, dam ti bisa yaa kpa sin tagin tirɛ a wa gbaari ba. Amaa ba wa kpa sin lɛm tirɛ a tiŋ gantɛl.”

Tuma 2:18

Hali mu zi kpa mu siim weri tiu a du mu nibaala awa nihaana tumtumsi ni di ba mɔɔli mu laaboor ti a biksi nara.

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

1 Tɛs. 5:7

Dusum nɛ nara nyɔ sin aa dɛɛsi a la chɔ do.

2 Pita 2:13

Ba funɛ nyɛ nidamata namsiu. Chendaha Koosa zi nyɛ ba na namsiu. Ba tusa sɔɔniu baa tum tum tagna a su chenani ba bara daŋni nara maga suwachak ni. Ma wa ba lagmɛɛ a di diwe, ba yaa ya chene a nyɛ hiisa kpak ma.

2 Pita 2:19

Nibiksɛ ta la biksi nara di ba naa nuɛɛ a tiŋ ba, ba lisi ba a ta, amaa ba titi ya tum tagna a naa la chɔk ba, yosiwa. Kinkin naa nyaŋi nibine, nyɛ o burgi kin ti yoma.

JɔnN Deesi 16:6

Ba funɛ kpu i nara awa i witinsa ka ba chɛl li a chɔ tɛɛnɛ ni. O deŋlu wa i nyɛ ba chɛl ba nyɔ lalaknɔ.”

JɔnN Deesi 18:24

Babilɔn tima dɔ ba naa funɛ ya Koosa witinsa awa o nara, sou. Hali ba dɔ ba naa maga ba fun kpu tɛɛnɛ nɔ maga ni, sou. Chendaha o fun lɛrgi ba diŋsa a ta ba yɔri.