Luk 12:32 - Tampulma

³² “Ma naa chi mu piisisa, ma ta ɔmi. Chenani ma kunyana Koosa dɔ ma ya un lɛmlɛmu kinkan.

Luk 12:32 Marejeleo ya Msalaba

Mat. 14:27

Yesu fun vaan ŋɔ ba, “Ma kpak ma bambe. Minnɛ. Ma ta ɔmi.”

Mat. 20:16

Yesu funɛ sɛm jɛɛgi ti peti, o fun ŋɔ o gantɛl tiŋsi ta ni, “Ba naa te suwachak, ba zi wa bur gantɛlu. Ba naa ka tiŋ gantɛl wa te suwachak.”

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

Luk 10:21

Chen saha ti Koosa siim weri ti funɛ nyɛ Yesu tu sɔɔniu kinkan. O fun sumi Koosa a ŋɔ, “Mu kunyana, koor naa dɔ buudaha awa tɛɛnɛ maga ni. Kin nawara i fun kpa sogli a li ninɛɛgɛ wati chen, i funɛ kpa biksi ba naa ya nyu bilim timwa. Mu kunyana, i funɛ tum chenani i titi daŋniu.”

Jɔn 18:36

Yesu fun ŋɔ un, “Mu koor ti wa to tɛɛnɛ nɔ maga ni. O fu nyɛnɛɛ, mu nara fu zi you a kok min, chen ni Ju tim ta wa zi kpak min. Mu bura ŋɔ hinu, mu koor ti wa to tɛɛnɛ nɔ maga ni.”

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 20:29

Mu funɛ kaali chen gantɛl nɛɛ, mu zimu di nara zi wau a chi gbesa a chem ba naa ma nyini chen a muksi ma kinkan.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

Filip. Tima 2:13

Saha maga Koosa yaa tum ma bambe niu, chen ni ma zi zim chenani o daŋni ma tumu.

2 Tɛs. 1:11

Chendaha ya yaa sumi un ma daha. Waa funɛ lisi ma di ma la o mi fali ti. Yaa sumi unu di o nyɛ ma o kpok ti yaa tiŋ o mi fali ti nɛnɛ. Ya vɛɛn a sumi unu di o suŋi ma ma kitum tum were a naa maga ma daŋni ma tum hali a wa peti, domi ma se su un.

2 Tɛs. 1:5

Koosa wa wa di o wa di tɛɛnɛ nɔ tim maga sɛria wa wuti, o zi wa ŋɔ di ma wa zu o koor ti, domi namsi naa ma namsi nan daha.

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

2 Pita 1:11

ka ya kunyan Yesu Kristo zi la ma du koor naa nyɛnɛɛ hali saha naa vɛ kpak bɔ, ni. Waa funɛ yisi ma a li ma tum tagna ni maa tiŋ un.

JɔnN Deesi 1:6

a vɔti ya koorsa a lisi ya di ya ya Koosa dam kɔkɔɔrsa di ya tum tuma a nyɛ o nyan Koosa ni. Yesu kpak jirima awa chaani wa kpok kinkan hali saha naa vɛ kpak bɔ. Ami.

JɔnN Deesi 22:5

a nyɛ ba ya koorsa hali saha naa vɛ kpak bɔ. Dusum wa fun to dooni, domi ba kunyan Koosa la nyɛ ba chaani. Ba wara daŋni nha akoo fitinsa nyɛ ba chaani dooni.