Luk 11:51 - Tampulma

⁵¹ Ma nawaalsi ta funɛ te kpu nar ba yir Abɛl a fun wa tiŋ gantɛl a kpu Zɛkaraya gbanko a dugli bar kɔɔri ti a li Koosa bar jɛɛmi dam ti ni. Wutirɛ n ŋɔ ma chen, Koosa zi lɛrgi Ju tima ba naa nyɛn zinan diŋsau a ŋɔ di ba wa dɔ a naa maga siti nan.

Luk 11:51 Marejeleo ya Msalaba

Mat. 23:35

Ma nawaalsi ta funɛ te kpu nar ba yir Abel naa nin funɛ vɛ nyɛni chen. Ba funɛ kpu nibin were damatiwa. A gantɛl nɛɛ ba fun kpu Zɛkaraya, Barakaya be, gbanko a dugli bar kɔɔri ti a li Koosa bar jɛɛmi dam ti ni. Koosa zi lɛrgi ma diŋsau a ŋɔ di ma wa dɔ ba naa maga nisa vɛ nyɛni nan sou.

Ju 11:4

Baal digirɛ ba funɛ yir Abɛl, o se fun su Koosa. Chendaha o kɔɔra naa o fun kpa nyɛ Koosa ni zen a kaali o niinbe Keen kɔɔra. Koosa fun a la o papaha a bu vɛ na o galimsa domi o se su un. Abɛl fun sou, amaa o tuma ha vɛɛn a biksi yau.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

1 Jɔn 3:12

Ma ta wa chi Keen naa funɛ ya sintana be chen a kpu o niinbe. Ma zim kinkin naa nyuhu ni o fun kpu o niinbe tiuu? O funɛ tum tum tagniwa ka o niinbe ti ka tum tum were. Chendaha o fun kpu un.