Luk 11:39 - Tampulma

³⁹ Yesu funɛ zim chenani o lisiu a ŋɔ un, “Ma Farisi tim ta daŋni ma di diwe, ma doso a sisi ma gbakmisa awa ma kurwasa, amaa ma tusa yaa kpak doŋau. Ma kpa kpoku a fuksi kina nara wati a ya tum tagna tima.

Luk 11:39 Marejeleo ya Msalaba

Mat. 15:19

Kinkin naa nyɛn ba tusa ni, nyɛ nibinsa lisi wu tagna a la tum chɔkumsi tuma awa sakaal tuma, a la kpu nara a la ŋmɛ a la suni wɛ a la chɔk nara sɔna.

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Luk 7:13

Yesu funɛ na luhaan ti, o fun kpak un siki ka o tuha chɔk a gbaari. O fun ŋɔ un, “Ta wiili.”

Luk 7:19

a tum ba Yesu wati di ba la pɛɛsi un, “Hin ya baal naa ya kunyana fun ŋɔ di i kaa wa chen, akoo yaa nyini nandigi nyinbaan nii?”

Jɔn 12:6

Judas baga wa fun to di o suŋi fara tima. O funɛ nyini Yesu gantɛl tiŋsi ta malɛwa a la suŋi o titi a li malɛ ta ni.

Jɔn 13:2

Yesu wa o gantɛl tiŋsi ta funɛ di dusum diwe ka sintana fun lisi di Judas Iskariɔt, Simɔn be, zi li Yesu gantɛlu.

Tuma 5:3

Pita fun wa pɛɛsi un, “Ananias, i yogli i tɛɛnɛ ti chen, baŋnɛ i yisi malɛ ta bɔnɛ a pusi? Baŋnɛ i nyɛ sintana zu i bambi a daŋni o mur Koosa siim weri ti nan ni?

Gal. 1:14

Mu funɛ tiŋ chenani Ju tim ta tiŋu nɛnɛ a kaali ba naa nyuuna mak dɔŋa. Mu se funɛ sɛriu kinkan di mu wa tiŋ mu nawaalsi ta nyinbaan.

2 Tim. 3:5

Ba zi jɛɛmi Koosa wa ba nyina niu aa vɛ kpak o kpok ti. Ta lagmi ba naa la tum chen ni.

Tait. 1:15

Kina maga weru a li ba naa tusa Koosa fun chaksi ni. Amaa ba naa tusa o fun vɛ chaksi ka ba se vɛ su un, kina maga ya doŋwa ba wati, domi ba lise awa ba tusa ya kitagniwa.

Jems 4:8

Ma wa dugli Koosa, o gbanko zi wa dugli mau. Ma naa la tum tum tagna, ma sɛm ma nisa a li ma tum tagna ni. Ma bambi bilɛlɛ tima, ma chaksi ma bambe a li ma lisi bilɛlɛ ta ni.