Luk 11:36 - Tampulma

³⁶ Ma nyɛ ma se wer. Ma ya chen, ma zi chi naa kpa fitina a chiŋsi o watiu, ka o bara maga yaa chaaniu.”

Luk 11:36 Marejeleo ya Msalaba

Mat. 13:52

Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”

Mat. 5:15

Nandigi wa zi suk fitina a kpa gbaŋa a chik un ni. O ka suk un a chiŋsi fitin bar chiŋi nɛɛ. Doone o zi chaani nara maga ni a li dɛ ti ni.

Luk 11:35

Ma doso, ma ta chi nyuluma.

Luk 11:37

Yesu funɛ sɛm peti, Farisi tim ta baal digi fun yir un di o wa un di diwe o dam ni. Yesu fun la gbaari un ni ba di diwe ta.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

Ju 5:14

Yesu nitiŋɛ ba naa zim Koosa wuti biksi ti nɛnɛ, ba waa zim kiwere awa kitagna. Ba waa chi ba naa biee a di ku chen.

Jems 1:25

Diga ti biksi ya chenani Koosa chiksɛ ta du. A weru hali a wa peti a biksi ya chenani ya zi gil ya tum tagna. Nibine nu Koosa chiksɛ ta a yaa lisi a naa la zi koti a yisi nara a li ba tum tagna ni wɛ a la tiŋ a a vɛ sugli, Koosa zi wa nyɛ un tu sɔɔnau a li tum naa o tum chen ni.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.