Luk 11:29 - Tampulma

²⁹ Zɛmɛ ta funɛ go Yesu chene, o fun ŋɔ ba, “Ma zinan nibinsa la tum tum tagna. Ma daŋni mu tum alaazibu tum a nyɛ ma ma zim di Koosa chiŋɛ mu gantɛl niu. Mu wa la nɔɔni di mu tum chen a nyɛ ma lalaknɔ. Alaazibu tum naa ma zi wa na wuzu digi kaa wa chi chenani Koosa fun tum a nyɛ o witiin naa ba funɛ yir Joona ni saha digi chene.

Luk 11:29 Marejeleo ya Msalaba

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Maak 8:38

Zinan nara vɛ Koosirɛ kinkan a la tum tum tagna. Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisau a du un ni.”

Luk 11:16

Ba bɔnɛ ka funɛ daŋni Yesu tum alaazibu tuma a biksi ba di ba zim di o kpok ti sir li Koosa wa nɛɛ.

Luk 11:50

Koosa zi lɛrgi Ju tima ba naa nyɛn zinan diŋsau a ŋɔ di ba wa dɔ chenani ba nawaalsi ta fun kpu o witinsi ta maga o piili saha ti kpa la.

Luk 12:1

Nara tusugsa funɛ lagmi dɔŋ ni aa zaksi dɔŋa, Yesu fun ŋɔ o gantɛl tiŋsi ta ni, “Farisi tim ta ya nusun timwa. Chendaha ma doso ba biksi ni.

Luk 9:41

Yesu fun burgi a ŋɔ zɛmɛ ta ni, “Ma zinan nara tum tum tagniwa ka ma se vɛ su min. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita?” O fun ŋɔ be ti nyan ni, “Kpa i be ti kuwa mu wati.”

Jɔn 2:18

Chɛɛm ti funɛ wa gil, Ju tim ta bɔnɛ fun wa pɛɛsi Yesu, “Anti nyɛ hin nyinbaan di i val aa kiya nan? Tum tum zen ya zim di Koosa chiŋɛ i gantɛl niu.”

Jɔn 6:30

Ba fun ŋɔ un, “Te tum tum zen a nyɛ ya ka ya se su hin.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

1 Kɔr. 1:22

Ju tim ta daŋni ya la biksi ba alaazibu wɛ, ka Girik tima daŋni ya la biksi ba zima ti.