Luk 10:28 - Tampulma

²⁸ Yesu fun ŋɔ un, “I sɛm ta deŋlu. I tiŋ chenani i sɛm min, i zi na miisa naa vɛ kpak bɔu.”

Luk 10:28 Marejeleo ya Msalaba

Mat. 19:17

Yesu fun burgi a pɛɛsi un, “Yɛrɛ i pɛɛsi min kinkin naa were wɛ? Nandigi wa to a koti a ya nibin weri hali o wa peti see Koosa duŋduŋ. I daŋni i na o miisa naa vɛ kpak bɔ, ii tiŋ o chiksɛ.”

Maak 12:34

Baal ti funɛ wa ŋɔ chen, Yesu fun zim di o lisi o wɛu nɛnɛ. O fun ŋɔ un, “O ka tamnɛ ka i zi zu Koosa koor ti ni.” Dooni nandigi wa fun kpak bambe a la zi pɛɛsi un wu digi.

Luk 7:43

Simɔn fun ŋɔ un, “Naa funɛ pɛŋ sidi tusugsa nyuun ka malɛ tiin ti fun gil a nyɛ un chen.” Yesu fun ŋɔ un, “I sɛm wutirɛ.

Room 10:4

Kristo funɛ kpa Koosa chiksɛ ta tiŋi a nyɛ a peti, chen ni Koosa wa zi bu koti a na ba naa maga se su un galimsa.

Room 3:19

Ya zimu di ba naa la biksi Koosa chiksɛ ta, ba waa la biksi ba naa la tiŋ a, di ba na galimsa. Chendaha nara maga zi wa la nɔɔniu di ba tum galimsau Koosa suwachak ni. Ba wa zi wa koti a sɛm wu digi.

Room 7:10

Koosa funɛ kpa o chiksɛ ta a nyɛ nara ni, chen ni ba zi tiŋ a nɔu a kpak miisa. Chen saha ti mu fun zim di mu wa fun a tiŋ a nɛnɛ. Chendaha mu fun zim di o deŋlu di Koosa zi wa ta min yɔriu.

Gal. 3:12

Amaa nibine naa la tiŋ Koosa chiksɛ ta, wa nyɛ o si su un. Ba fun bukoo sɔbi a li o sɛm tɔn ti ni, “Nibine naa la tiŋ Koosa chiksɛ ta hali a wa peti, Koosa zi kpa o mi fali tiu a nyɛ un o tiŋi ti daha.”