Luk 10:11 - Tampulma

¹¹ ‘Ya funɛ wa di ya biksi ma di saha ti telu di Koosa dɔ nara, amaa ma vɛ nu ya sɛma. Chendaha ya kpa ma tɔhɔn ti hɛɛra a naa nyɛn ya naŋgere ni chen a pisi a a ta.’

Luk 10:11 Marejeleo ya Msalaba

Mat. 10:14

Dam digi koo tɔ digi nara vɛ la ma duuli koo ba vɛ nu ma sɛma, ma piisi ma naasa hɛɛra a ta a li dooni.

Mat. 10:7

Ma la biksi ba di saha zi wa telu Koosa dɔ nara.

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Maak 6:11

Amaa ma wa zu tɔ digi ka tɔhɔn ti nara vɛ la ma duuli koo a vɛ nu nyɛ ma, ma li dooni, a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Luk 10:10

Ma la zu tɔha ka ba naa nyɛn dooni chen vɛ zaami ma, maa gba a val nyinbaanisi ni a ŋɔ nara maga ni,

Luk 10:9

Ma tiibi ba wichɔɔrsa aa ŋɔ ba naa nyɛn dooni chen, ‘Saha ti telu di Koosa dɔ nara’.

Luk 9:5

Amaa ma wa zu tɔ digi ka tɔhɔn ti nara vɛ la ma duuli, ma li dooni a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Tuma 13:26

“Mu niinbisa, ma naa ya Abraham bi lulɛ, awa ma naa vɛ ya Ju tima a la jɛɛmi Koosa. Laaboor weri naa la biksi chenani Koosa daŋni o lisi nara a li ba tum tagna ni ba tiŋ un ya ya kinnɛ.

Tuma 13:40

Ma doso chenani Koosa witinsi ta fun sɔbi a li Koosa sɛm tɔn ti ni wa zi wa ya ma.

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 13:51

Pɔɔl awa Barnabas funɛ nyɛn nyinbaan ni a la chene, ba fun pisi ba naŋgere hɛɛra a ta di Ju tim ta zim di o wa li ba ni, a kaali tɔhɔn naa ba yir Ikonium.

Room 10:21

Amaa o funɛ sɔbi Ju tim ta wɛu di Koosa ŋɔ, “Mu funɛ bɛrigi mu nisau chɔɔsa hali zaazɔn wa tel di ba zi wa mu watiu. Ba se funɛ kpok. Chendaha ba fun vɛ.”

Room 10:8

Maa nu chenani ba fun sɔbi. “Koosa sɛma wa ma duglɛu kinkan. A nyɛn ma nɔɔni niu awa ma bambe ni.” A wa o laaboora weri naa ba fun biksi ma chenani ma se su un, ya kibɛgimnɛ.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.