Luk 1:77 - Tampulma

⁷⁷ Hin la zi ŋɔ o nara ni di ba gil ba tum tagna a bur tiŋ Koosa, o zi yisi bau.

Luk 1:77 Marejeleo ya Msalaba

Luk 3:3

Jɔn fun gba a go nyabaan naa duglɛ mɔɔga naa ba funɛ yir Jɔɔdan chen jibaŋa. O funɛ biksi nara a ŋɔ ba, “Ma bur a li ma tum tagna ni, chen ni mu zi kotiu a chaksi ma wa ni ni. Ma ya chen, Koosa zi gil ma tum tagni tau a nyɛ ma.

Luk 3:6

Ba naa maga tum chen, Koosa zi gil ba tum tagnau a nyɛ ba.’ ”

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Jɔn 1:34

Yesure mu fun na ka Koosa siim weri ti tu wa a zɔŋ o nyuhu ni. Wutirɛ mu ŋɔ ma di o ya Koosa bere.”

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Tuma 19:4

Pɔɔl fun ŋɔ ba, “Jɔn funɛ chaksi ba naa gil ba tum tagna a bur tiŋ Koosa chene. O gbanko funɛ biksi Ju tim ta di ba nyɛ ba se wa su naa tiŋ o gantɛl a wa chen. Chen tiina ya Yesu.”

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Room 3:25

Koosa funɛ kpa Yesu Kristo a chiŋsi gbampulim ni a nyɛ o sou o daakakli ti ni, chen ni Koosa wa zi bu na paan a du ba naa maga se su Yesu sou chɛl ni. O funɛ ya chene di o biksi nara di o ya wuti tiinnɛ. Hali chen saha ti o funɛ kpak ba kanyitau a li nara tum tagna ni a ta lɛrgi ba diŋsa.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,