Luk 1:76 - Tampulma

⁷⁶ Doone Zɛkaraya fun ŋɔ, “Mu be, hin la zi ya Koosa zen witiina. Hin la zi te naa Koosa ŋɔ di o kaa tumu chen suwachak a saksi o nyinbaan a nyɛ un.

Luk 1:76 Marejeleo ya Msalaba

Mat. 14:5

Hɛrɔd funɛ daŋni o kpu un, amaa Ju tim tawa o funɛ ɔm. Ba funɛ lisi di o ya Koosa witinsi ta digirɛ.

Mat. 21:26

Bɔnɛ fun ŋɔ di, “Ya ka wa kiŋɔ di nibinsa funɛ nyɛ un chen kpok ti, zɛmɛ ta zi na paanu a du ya ni, domi ba funɛ yir Jɔn Koosa witiinne.”

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Mat. 3:3

Koosa witiina naa ba fun yir Azaaya funɛ sɔbi Jɔn wɛ a li Koosa sɛm tɔn ti ni saha digi. O fun ŋɔ, “Nandigi la mɔɔli nyabaan ni a ŋɔ, ya kunyana wau. Maa saksi ka o zi wa. Ma kɔɔri o nyinbaan o wer.”

Maak 11:32

Bɔnɛ fun ŋɔ, “Ya ka wa kiŋɔ di nibinsa funɛ nyɛ un chen kpok ti, zɛmɛ ta zi na paanu a du ya ni, domi ba yir Jɔn Koosa witiinne.”

Luk 1:32

O zi wa ya nibin zenu kinkan. O zi ya Koosa zen beu. Ya kunyana Koosa zi vɔu un koorau, a chi chenani o fun vɔu o nawaal Devid saha digi chen.

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Jɔn 1:23

Jɔn fun ŋɔ ba, “Mu zi ŋɔ ma chenani mu duu. Koosa witiina Azaaya funɛ sɔbiu a li Koosa sɛm tɔn ti ni saha digi a ŋɔ di Koosa ŋɔ, ‘Mu nitumi nyɛn nyabaan ni a mɔɔli. Ba zi nu o tau ka o ŋɔ, ya kunyana wau. Maa kɔɔri o nyinbaan o weru.’ ”

Jɔn 1:27

Waa nyɛn mu gantɛl ni aa wa. N purɛu wa mu ur o natausa a nyɛ un.”

Jɔn 3:28

Ma lisi di mu funɛ ŋɔ mau di mu wa ya Kristo naa Koosa fun ŋɔ di o zi tumu chen. Koosa funɛ tum min di mu te o suwachak a kɔɔri o nyinbaan.

Tuma 16:17

O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”