Luk 1:53 - Tampulma

⁵³ Ba naa zimɛɛ di Koosa ya ba wu werewa, waa la zi suŋi ba, amaa o burgi o gantɛllɛ a chak ba naa vɛ zim un.

Luk 1:53 Marejeleo ya Msalaba

Mat. 5:6

Ba naa yaa kpak un ba bambe ni di ba tum chenani Koosa daŋni di ba tum, o zi suŋi bau a nyɛ ba tu sɔɔna.

Luk 1:54

O fun a tum chenani o vɔu a nyɛ ya nawaalsi ni saha digi. O fun wa suŋi o be Israɛl,

Luk 6:21

Ma naa la daŋni kinkan di ma tiŋ Koosa tutɔ, o zi nyɛ ma tu sɔɔna lalaknɔ. Wuzu digi ma zi wa koti a tiŋ un hali a wa peti. Ma naa tusa chɔkɛɛ ma tum tagna daha, Koosa zi nyɛ ma tusa sɔɔniu lalaknɔ. Wuzu digi ma tusa zi wa sɔɔniu a la gali.

Luk 6:24

Yɛrɛ o kaa wa du ma naa vɛ daŋni Koosa suŋi ma lalaknɔ. O wa zi koti a wa dɔ ma.

Jɔn 6:35

Yesu fun ŋɔ ba, “Mu wa mi fali diwe ta ya kibɛgimnɛ. Lɔsa wa zi bu kpak ba naa wa mu wati. Nyɔksa ka wa zi kpak ba naa nyɛ ba se su min.

1 Kɔr. 1:26

Mu niinbisa, Koosa funɛ yir ma di ma wa o wati, ma lisi chenani ma fun du. Ma nara tama funɛ ya nibin nɛɛgɛ a li tɛɛnɛ nɔ tim maga se ni. Tam ka fun ya nibin zene tɛɛnɛ nɔ tim maga se ni. Tam ka ya nibin zene bisa.

1 Kɔr. 4:8

Ma lisi di ma piin kpak kin naa maga ma daŋniu a ya kin tima a burgi a chi koorsa. Chenani maa lisi, chen wa ya wuti. Ya fu daŋni ya wa ma burgi a chi koorsiwa.