Luk 1:32 - Tampulma

³² O zi wa ya nibin zenu kinkan. O zi ya Koosa zen beu. Ya kunyana Koosa zi vɔu un koorau, a chi chenani o fun vɔu o nawaal Devid saha digi chen.

Luk 1:32 Marejeleo ya Msalaba

Mat. 1:1

Yesu Kristo nawaalsa nɛɛnɛ. Koor Devid funɛ ya Yesu nawaal bunirɛ. Abraham gbanko funɛ ya Yesu nawaal bunirɛ.

Mat. 12:42

Koosa wa wa di o wa di tɛɛnɛ nɔ tim maga sɛria, koor nihaan naa nyɛn doonani ba yir Siba chen, zi wa siu a fiksi ma. O funɛ li bar bolire a wa koor Solomon wati di o wa nu o zima sɛma. Mu waa naa nyɛn ma wati bar nɔ nan, min kaali Solomon kinkan.”

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Maak 14:61

Yesu fun moori. O fun bu pɛɛsi un, “I laata ya Koosa be, Kristo tii?”

Maak 5:7

Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”

Luk 1:15

Koosa zi wa nyɛ o ya nibin zenu o se ni. O wa zi wa nyɔ sin kpok, ka Koosa kpa o siim weri a du un ni. Saha naa ba zi wa lul un a kpa la, Koosa siim weri ti zi wa si un niu.

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Luk 1:76

Doone Zɛkaraya fun ŋɔ, “Mu be, hin la zi ya Koosa zen witiina. Hin la zi te naa Koosa ŋɔ di o kaa tumu chen suwachak a saksi o nyinbaan a nyɛ un.

Luk 3:16

Jɔn funɛ zim chenani ba lisiu a ŋɔ ba, “N kpa ni a chaksi ma bara. Naa nyɛn n gantɛl ni aa wa, o ka zi wa kpa Koosa siim weri tiu a du ma ni a chaksi ma a chi din zaamsi salma. Waa ya nihɛɛ a kaali min. N purɛu di mu ur a natausa a nyɛ un.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Jɔn 12:34

Zɛmɛ ta nidigi fun ŋɔ un, “Ba funɛ sɔbi a li Koosa sɛm tɔn ti ni di Kristo naa Koosa fun vɔu di o tum chen zi nyɛnu hali saha naa vɛ kpak bɔ. Yɛrɛ i sɛm ya di nara zi kpak nibine beu a kpaasi mari daakakli ti ni o sou? Ya wa zim nibine naa ya un.”

Jɔn 6:69

ka ya se su a. Ya zimu di i ya Koosa tu chaan tiinnɛ.”

Tuma 16:17

O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”

Tuma 2:30

O ha funɛ kpak miisa, o funɛ ya Koosa witiinne. Koosa funɛ vɔu a chiŋsi un di o zi nyɛ o bi lulɛ ta digi di o koorau.

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

Tuma 7:48

“Amaa Solomon naa zenee kinkan a kaali a maga, o wa nyɛn damsi naa nibinsi sa ni. O witinsi ta digi fun sɔbi a li o sɛm tɔn ti ni di o ŋɔ,

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.