Juud 1:3 - Tampulma

³ Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.

Juud 1:3 Marejeleo ya Msalaba

Tuma 17:3

O fun biksi ba di Yesu ya Kristo naa Koosa fun ŋɔ di o zi wa tumu wuzu digi chen a karimi Koosa sɛm tɔn ti bar digi doonani ba fun sɔbi di o zi wa namsiu a sou ka Koosa lɛli un a li o sou ni.

Tuma 18:28

Apɔlɔs wa Ju tim ta fun di amɔrɛ kpok a nyaŋi ba a li nara tima suwachak ni. O fun lisi Koosa sɛm tɔn ti bar digi a biksi ba a li gbampulim ni di Yesu ya Kristo naa Koosa fun ŋɔ di o zi wa tumu wuzu digi chen.

Tuma 20:27

Kin naa maga Koosa daŋni o tum wa ka mu vɛ biksi ma.

Tuma 28:28

Pɔɔl fun bukoo ŋɔ ba, “Mu daŋni ma zimu di ba naa vɛ ya Ju tima na nyinbaanu di ba nu Koosa laaboor weri ti di o daŋni o yisi bau a li ba tum tagna ni ba tiŋ un. Ba nidamata zi nu unu.” ((

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Tuma 6:7

Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

Tuma 9:13

Ananias fun ŋɔ un, “Mu kunyana, nibin damata funɛ ŋɔ min baal ti wɛ awa chenani o nyɛ Koosa nara namsi kinkan a li Jɛrusalɛm ni.

Tuma 9:22

Nidamata funɛ nu Sɔɔl biksi ti a gbaari. O fun biksi ba di Yesu ya naa Koosa fun vɔu di o zi wa tumu wuzu digi chen nɛnɛ, chen ni Ju tim ba naa nyɛn dooni chen, wa kidi un amɔrɛ.

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

Gal. 2:5

Ya wa ba wa fun la nɔɔni hali tama, chen ni ya zi kotiu a kpak Koosa laaboor weri naa ma piin nu wuti.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Gal. 6:11

Ma na chenani kisɔbɛ naa zene mu titi sɔbi bar nɔ nan.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Kɔl. 1:2

Mu wa ya niinbe, Timoti, zaami ya dɔŋtima ma naa ya Koosa nara a li Kɔlɔsɛ ni aa tiŋ Kristo nɛnɛ. Ya kunyan Koosa kisuŋi ma a kinyɛ ma bara sɔɔna.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

1 Tim. 1:18

Mu be, Timoti, mu kpa sɛm nama a du i nin nee. Saha digi nara bɔnɛ funɛ sɛm i wɛ a li Koosa kpok ni. Nyɛ ba sɛm ta kpami hin i tum i tuma nɛnɛ a nyɛ Koosa ni,

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

2 Tim. 1:13

I funɛ nyɛn mu wati, mu fun a biksi hin Koosa wuti wɛ di ii tiŋ un. Lalaknɔ kpak mu wuti biksi nɔ nɛnɛ. Nyɛ i si yaa su Yesu Kristo aa kidaŋni nara nɛnɛ, domi o wa ya ya nibɛgimnɛ.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Ju 13:22

Mu niinbisa, mu tɔn naa sɔbi a nyɛ ma nan, o wa ziŋ. Mu sumi mau di ma nu mu sɛma a naa la zi kpami ma, wa kanyita ni.

Ju 6:9

Mu bi daŋnɛ, ya wara lisi di ma chi kɔha awa sɔta bar nyɛni tirɛ. Ya se su di ma kpak chenani Koosa fun yisi ma a li ma tum tagna niu nɛnɛ a tum tum were a nyɛ un.

1 Pita 5:12

Silvenus naa ya mu dɔŋtiin wuti tiina, waa suŋi min mu sɔbi tɔn we nɔ a nyɛ ma. Mu tɔn nɔ ni, mu daŋni mu biksi mau a kpami ma di chenani Koosa suŋi ma, o ya wutirɛ. Ma kpak chenani o suŋi ma chen nɛnɛ.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

2 Pita 2:21

Ba funɛ te wa zim Koosa wuti nyinbaan ti a vɛ Koosa chiksɛ ta a li a gantɛl ni. Ba fu vɛ wa zim o wuti nyinbaan ti, chen fu bɔɛɛ.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

Juud 1:17

Mu bi daŋnɛ, ma lisi chenani ya kunyan Yesu Kristo nitumɛ fun te biksi ma,

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.