Juud 1:24 - Tampulma

²⁴ Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

Juud 1:24 Marejeleo ya Msalaba

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

Luk 9:26

Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisa a du un niu.

Room 14:4

Anti ya ma ma koti a ŋɔ di nandigi tumtumna tum galimsau? O titi kunyana la zi zim di o chelu koo o wa chel. Ya kunyan ti zi chiŋi o tumtumsa gantɛl niu, chen ni ba wa zi chel.

Room 8:31

Kin nama maga daha, yɛrɛ a du ya ni? Koosa chiŋi ya gantɛl ni nan ni, anti la zi koti a kpak ya kpok?

2 Kɔr. 11:2

Muu daŋni ma kinkannɛ a chi chenani Koosa daŋni ma. Ma chi nihabichɛllɛ mu fun a vɔu di mu nyɛ baal naa sɔn ya Yesu Kristo chen.

2 Kɔr. 4:14

Ya zimu di Koosa naa funɛ lɛli ya kunyana Yesu a li o sou ni chen, o gbanko zi lɛli yau a li ya sou ni a chi Yesu, a nyɛ ya wa ma lagmi o suwachak ni.

2 Kɔr. 4:17

Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.

Ɛfɛ. 3:20

Koosa kpok naa nyɛn ya ni kote a nyɛ ya tum tuma a nyɛ un a kaali chenani ya vɛ lisi a ŋɔ un di o suŋi ya ya tum.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Kɔl. 3:4

Saha naa Kristo naa nyɛn ma ni, wa bur wa tɛɛnɛ nɔ maga, ma wa un zi wa lagmi dɔŋ niu a bɔni o jirima awa o chaani kinkan.

2 Tim. 4:18

O gbanko zi lisi minu a li tum tagin naa maga nibinsa zi wa tum a du min ni a nyɛ mu zu o koor naa nyɛn Koosa tɔhɔn ti ni. O la jirima kinkan hali saha naa vɛ kpak bɔ. Ami.

Jems 2:10

Nar tiŋ o chiksɛ ta maga a chɔk kibɛgim, o chɔk a magawa. Chen tiina galimu Koosa wati.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

2 Pita 1:10

Mu niinbisa, Koosa fun lisi ma a yir ma. Chendaha ma nyɛ ma se sɛri a gbaari, chen ni ma zi a kpaku nɛnɛ. Ma kpak chen nɛnɛ, ma wa zi kut nyuksi o nyinbaan ti,

Juud 1:21

Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.

JɔnN Deesi 14:5

O waa funɛ lisi ba a li ba tum tagna hali a wa peti. Nandigi wa kibu koti a fiksi ba.