Juud 1:16 - Tampulma

¹⁶ Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.

Juud 1:16 Marejeleo ya Msalaba

Luk 15:2

Farisi tim ta awa Koosa chiksɛ nibiksɛ ta bɔnɛ funɛ lagmi dooni. Ba funɛ na lampo nilalɛ ta awa tum tagna nitumɛ ta ka ba chiŋi dooni, ba zulimi a la ŋɔ dɔŋ ni, “Baal nɔ, o tuha funɛ sɔɔniu o na ba ka ba wa chen. Hali o wa ba lagmi a di diwe.”

Luk 19:7

Zɛmɛ ta funɛ na chenani yɛɛ, ba funɛ zulimi Yesu a la ŋɔ dɔŋ ni, “Baal nɔ zu wu tagni tiina damnɛ.”

Luk 5:30

Ba naa funɛ ya Farisi tim ta awa Koosa chiksɛ nibiksɛ ta bɔnɛ, funɛ na bau ka ba di diwe ta. Ba fun a zulimi a pɛɛsi o gantɛl tiŋsi ta, “Yɛrɛ ma kunyana awa wu tagna tima wa lampo nilalɛ ta lagmi a di diwe?”

Jɔn 6:41

Ju tim ta funɛ nu chenani Yesu sɛm di o wa mi fali diwe naa Koosa fun tum a li o tɔhɔn ti ni chen ya kibɛgimnɛ, ba funɛ zulimi un.

Jɔn 6:61

Yesu funɛ zimu di ba lɔ o gantɛllɛ, o fun pɛɛsi ba, “Mu biksi ti daŋni o bur ma gantɛllɛɛ?

1 Kɔr. 10:10

Ya ta zulimi a du Koosa ni a chi chenani ba bɔnɛ funɛ zulimi a du un ni chen. O fun nyɛ malaika naa funɛ kpu nara chen, wa kpu ba.

Gal. 5:16

Maa nu mu sɛma. Ma ta tiŋ ma titi daŋnɛ ta, amaa ma nyɛ Koosa siim weri ti kpa o kpok ti a nyɛ ma ma tiŋ un nɛnɛ.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Filip. Tima 2:14

Ma tum o tuma a ta zulimi ma dɔŋtima a kidi dɔŋwa amɔrɛ.

1 Tɛs. 4:5

Ma ta daŋni nihaana yɔri yɔri a chi ba naa vɛ zim Koosa.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

1 Pita 1:14

Saha naa ma fun zɛ zim un, ma funɛ tiŋ ma tutɔ daŋnirɛ. Ma ta tiŋ chen lalaknɔ, amaa maa tiŋ Koosa nɔ nɛnɛ.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

1 Pita 4:2

a kitiŋ Koosa tutɔ wuzuna naa kaɛɛ ni.

2 Pita 2:10

O zi lɛrgi ba naa la tiŋ ba titi daŋnɛ aa vɛ tiŋ o nɔ, diŋsau hali a vɛ weri. Nibiksɛ na kpak ba bambewa a zer ba titi. Ba wara nyɛ o malaikasi ta wa jirima, amaa ba ka pini ba zomwa.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,

Juud 1:15

ba zi wa di nara maga sɛriau. Ba naa maga la tum tum tagna a sɛm sɛm tagna aa du Koosa ni, o zi na ba galimsau a ta ba yɔri.”

Juud 1:18

a ŋɔ, “Tɛɛnɛ nɔ maga siili saha wa dugli, ba naa la tiŋ ba titi daŋnɛ, zi wa mɔm mau a li ma Koosa nyinbaan tiŋi ni.”