Juud 1:12 - Tampulma

¹² Ba wa ma lagmɛɛ di ma di diwe, ba nyini ba duŋduŋnɛ a la di a la nyɔ kinkan. Chen la chɔk ma lagmi ti. Ba chi dobaala naa peha ya a vɛ mi doone. Ba chi bugili naa vɛ koti a nɔɔnirɛ, chen ni nara wa hur a luta a chɛsi a siti.

Juud 1:12 Marejeleo ya Msalaba

Mat. 13:6

A wa fun koti a ta lur ta nɛnɛ. Saha naa nha fun wa si a kpak a, a fun fiimi a siti.

Mat. 15:13

Yesu fun ŋɔ o gantɛl tiŋsi ta ni, “Mu nyana naa nyɛn o tɔhɔn ti ni chi nipari yaa du o kina. Wuzu digi o zi wa ŋɔ o tumtumsi niu ba la kpirki kin naa maga o vɛ duuli a ta.

Maak 4:6

Saha naa nha fun wa num a kpak a, a fun fiimi a siti. A wa fun koti a ta luta nɛnɛ.

Luk 12:45

Amaa tumtum naa o lisɛ chen vɛ ya wuti tiina, o titi niu di o kunyan ti zi vusiu. Adaha o zi tuk o daŋ tumtumsi ta. O gbanko zi la lagmi ba naa nyɔ sin a dɛɛsiu a di diwe.

Luk 16:19

Yesu fun bukoo ŋɔ ba, “Malɛ tiin digi funɛ nyɛn doon a laari kilaarɛ naa malɛ kpokee kinkan. O funɛ kpak kin naa maga o daŋniu.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Luk 8:6

Bɔnɛ fun chesi buŋkula tuhu ni. Doon hɛɛri ta wa fun kpak sɔnsɔn. Chendaha kiduhu ti fun nyu a fiimi a siti.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

1 Tim. 5:6

Amaa luhaan naa ka tiŋ o titi daŋni, o nyɛnu a chi o wa zim Koosa.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

Jems 5:5

Tɛɛnɛ nɔ maga ni ma kpak malɛ kinkan ka la ya ma tutɔ. Ma di diwe a zen a chi nuhɛ naa ba yaa chamsi di ba la kɔrigi chen.