Juud 1:1 - Tampulma

¹ Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

Juud 1:1 Marejeleo ya Msalaba

Mat. 10:3

Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Mat. 13:55

O laata funɛ ya bugilsal be a nyɛn bar nɔ ni chenn? O niina laata ya Mɛri chenn? Jems, Josɛf, Simɔn awa Judas laata ya a niinbisa chenn?

Maak 3:18

O gbanko funɛ lisi Andiru, Filip, Batɔlɔmi, Matiu, Tɔmas, awa Jems, Alfius be, Tadius, Simɔn naa o pulum wɛ fun nyɛn o bambi ni,

Maak 6:3

O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Luk 6:16

Judas, Jems be, awa Judas Iskariɔt naa funɛ li Yesu gantɛl chen.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Jɔn 14:22

Baal digi funɛ nyɛn doon. O sɔn ya Judas, amaa o laata fun ya Judas Iskariɔt. O fun ŋɔ Yesu ni, “Mu kunyana, yɛrɛ i kaa ya a kpa i titi a biksi ya a ta kpa i titi a biksi tɛɛnɛ nɔ tim maga?”

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 17:15

Mu wara sumi hin di i lisi ba a li tɛɛnɛ nɔ maga ni. Mu ka sumi hin di i kok bau a li sintani.

Jɔn 17:17

I sɛm naa mu fun kpa a biksi ba chen ya wutirɛ. Kisuŋi ba baa tiŋ i wuti nyinbaan ti a ta bur la lagmi tɛɛnɛ nɔ tim maga ni.

Jɔn 17:19

Mu lisɛ mu titiu a li ba ni di mu tiŋ i tutɔ a sou a nyɛ ba, chen ni ba zi kotiu a tiŋ i wuti nyinbaan a ta bur la lagmi tɛɛnɛ nɔ tim maga ni.

Jɔn 6:39

Naa tum min chen tutɔ ti chi nɛɛnɛ. Mu zi nyini ba naa o kpa nyɛ min chenu ka ba digi ta nyuksɛ. O wa wa di o di tɛɛnɛ nɔ tim maga sɛria, mu zi lɛli ba a li ba sou ni a nyɛ ba o mi fali naa vɛ kpak bɔ.

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Tuma 27:23

Dusum ti Koosa naa dɔ min awa naa mu jɛɛmi, fun tum o malaikasi ta digi o wa ŋɔ min,

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 1:6

Ma gbanko funɛ gbaari ba niu. Koosa fun a yir ma di Yesu Kristo dɔ ma.

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Room 6:22

Koosa fun lisi ma a li a kpok ni a kpa o kpok ti a du ma ni di ma kpa ma titi aa tiŋ un. Lalaknɔ maa tum tum werewa a nyɛ un, chen ni a bar la peti ni, ma zi na o mi fali naa vɛ kpak bɔu.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

Room 9:24

Ya waa ya ba naa o fun tum chen nyɛ. Ya naa ya Ju tim ta awa ma naa vɛ ya Ju tima, waa funɛ yir ya di ya wa o wati.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

2 Tim. 4:18

O gbanko zi lisi minu a li tum tagin naa maga nibinsa zi wa tum a du min ni a nyɛ mu zu o koor naa nyɛn Koosa tɔhɔn ti ni. O la jirima kinkan hali saha naa vɛ kpak bɔ. Ami.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Juud 1:21

Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.