Ju 9:19 - Tampulma

¹⁹ Chen saha ti Mosis fun a biksi Ju tim ta chiksɛ naa maga Koosa fun kpa a nyɛ ba. O fun kpa nupɔla awa buuna a lisi a chɛl a lagmi ni ni. O fun kpa kiduha naa ba yir ‘hisɔp’, awa piisi pusa naa ba kpa tau kisɛm ni, a kpa lagmi dɔŋ ni a vɔu a tau ni wa chɛl ti ni a misi du Koosa chiksɛ tɔn awa nara tima maga ni.

Ju 9:19 Marejeleo ya Msalaba

Mat. 27:28

Ba fun ur Yesu kilaarɛ a zer ba gar sɛm digi a wa laari un.

Maak 15:17

Ba fun zer ba gar sɛm digi a wa laari un a kpa sɔta a wa sɔ a chi koora nichiga a kpa chik o nyuha,

Maak 15:20

Ba funɛ zɔ un a mɔmsi un peti, ba fun kpa gar sɛm ti a ur a zer o titi kilaarɛ a laari un, a kpa un li di ba la kpaasi un a mari daakakli ti ni o sou.

Jɔn 19:2

Ba fun kpa sɔta a wa sɔ a chi koora nichiga a kpa o chik o nyuha a zer ba gar sɛm digi a wa a wa laari un,

Jɔn 19:5

Doone lanjimasi ta fun kpa Yesu a nyɛ o kaali zɛmɛ ta suwachak. O ha funɛ vɛɛn chik sɔta nichik ti awa gar sɛm tirɛ. Pailɔt fun ŋɔ zɛmɛ ta ni, “Ma na, baal ti nɛɛnɛ.”

Ju 1:1

Saha digi Koosa fun nyɛ o witinsa biksi ya nawaalsa o tutɔ wɛ. Nyinbaan damatiwa o fun kpa a biksi ba a gbaari tamtama.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 10:4

Wutirɛ nuwal awa buun chɛl wa kikoti a chiŋi nibinsa tum tagna bar chiŋi ni.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 9:12

Kristo funɛ la zu lɛu naa Koosa fun du o tɔhɔn ti ni chen tuha a kaali doonani Koosa fun lisi kinkan a kpalimi dooni, o wa fun kpa buuna awa nupɔla chɛllɛ a nyɛ un dooni. O ka fun kpa o titi chɛl a nyɛ un, chen ni o zi kotiu a yisi ya a li ya tum tagna ni ya tiŋ un hali saha naa vɛ kpak bɔ.

Ju 9:13

Ju tim ta Koosa dam kɔkɔɔrsi ta yaa fun kpa buuna awa nuwala chɛl a nyɛ Koosa ni a kpa nupɔl a fu o bara a kpa tɔ ti a zaasi ba naa chɔk ba chi ti, chen ni ba chaksi ba gbampulim ni.

Ju 9:18

Chendaha Koosa wa Ju tim ta funɛ te ya nɔ bɛgim, o fun biksi ba di ba kpu sela a lisi a chɛl a nyɛ un, chen ni o zi chiŋiu.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.