Ju 9:16 - Tampulma

^16-17 Nar ŋɔ a chiŋsi ka o ha vɛ siwi, o nara wa zi pa o kina. Ba wa kitiŋ chenani o ŋɔ a chiŋi chen see ba biksi di o sir sou.

Ju 9:16 Marejeleo ya Msalaba

Room 5:12

Tɔ. Nibin bɛgim funɛ te nyɛn tɛɛnɛ nɔ maga ni saha digi a tum tum tagna. O fun sou a daha. Chendaha ba naa maga funɛ tiŋ o gantɛl gbanko fun siti ba tum tagna daha.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

1 Kɔr. 15:22

Domi ya wa Adam ya nibɛgimnɛ, chendaha yaa siti. Ya naa wa Kristo ya nibɛgim nan, ya ka zi wa si ya sou niu a kpak miisa.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

Ju 9:15

Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

Jems 2:10

Nar tiŋ o chiksɛ ta maga a chɔk kibɛgim, o chɔk a magawa. Chen tiina galimu Koosa wati.