Ju 9:15 - Tampulma

¹⁵ Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

Ju 9:15 Marejeleo ya Msalaba

Mat. 19:29

Nar gil o dama, o maanasa, o niinbisa, o nyana awa o niina, awa o bisa awa o ŋmaha mu daha, Koosa zi wa kpa a kina kɔkwau a gbaari un a kpa o mi fali naa vɛ kpak bɔ a nyɛ un.

Mat. 22:3

O funɛ tum o tumtumsiwa di ba la yir ba, ba ka wa funɛ daŋni ba wa.

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Mat. 25:36

Mu wa fun kpak kilaarɛ, ma nyɛ min kilaarɛ mu laari. Wichɔɔrta fun kpak min, ma nyini min. Ba fun tɔ min dɛ, ma wa zaami min.’

Maak 10:17

Yesu fun li dooni a la bar digi chen. Baal digi fun wa chem un a gbiri o suwachak ni a pɛɛsi un, “Mu kunyan weri, yɛrɛ n kaa ya a wa na Koosa miisa naa vɛ kpak bɔ?”

Luk 18:18

Chen saha ti Ju tim ta nihɛɛ digi fun wa pɛɛsi Yesu, “Mu kunyan weri, yɛrɛ n kaa ya a wa na Koosa miisa naa vɛ kpak bɔ?”

Luk 22:20

Kinyɔɔli naa ma purigi a bɔni dɔŋ chen, ya mu chɛllɛ. Chenani mu kpa nyɛ ma nan, biksi nara di Koosa wa ba ya nɔ bɛgimnɛ.

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Room 5:6

Saha digi ya wa fun koti a suŋi ya titi. Koosa saha wa tel, Kristo fun wa chiŋi tum tagna nitumɛ bar chiŋi ni a sou a nyɛ ya.

Room 5:8

Amaa Koosa funɛ biksi ya chenani o daŋni ya kinkan. Ya ha funɛ vɛɛn a tum tum tagnau, chen saha ti Kristo funɛ chiŋi ya bar chiŋi ni a sou a nyɛ ya.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

Room 9:24

Ya waa ya ba naa o fun tum chen nyɛ. Ya naa ya Ju tim ta awa ma naa vɛ ya Ju tima, waa funɛ yir ya di ya wa o wati.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

Gal. 3:20

Amaa Koosa funɛ kpa o vɔwi ti a nyɛ Abraham ni, o wa fun te kpa un a nyɛ malaikasi ta koo nandigi ni.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Tait. 3:7

O fun a suŋi ya di ya wa bu kpak galimsa o wati a nyɛ ya kpak bambi bɛgim di ya la o mi fali naa vɛ kpak bɔ.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.

Ju 10:36

Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Ju 11:13

Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Ju 6:13

Koosa funɛ vɔu vɔwi a nyɛ Abraham ni, o fun hɛɛsi o titi sɔn di o zi nyɛ o ya wutiu. O sɔn ti kaali kina maga. Chendaha o fun hɛɛsi un chen.

Ju 6:15

Abraham funɛ kpak kanyitau. Chendaha o fun na chenani Koosa fun vɔu a nyɛ un.

Ju 7:22

Nan daha, ya zimu di chenani Yesu nyɛ ya wa Koosa ya nɔ bɛgim kaali chenani Ju tim ta wa un fun ya nɔ bɛgim.

Ju 8:13

Koosa funɛ ŋɔ di o wa o nara zi bu ya nɔ bɛgimu, o biksi ya di chenani o wa ba fun te tum fun burgi kibuni. Kin naa maga la burgi kibunɛ a gbaari zi ya yɔriu lalaga.

Ju 9:12

Kristo funɛ la zu lɛu naa Koosa fun du o tɔhɔn ti ni chen tuha a kaali doonani Koosa fun lisi kinkan a kpalimi dooni, o wa fun kpa buuna awa nupɔla chɛllɛ a nyɛ un dooni. O ka fun kpa o titi chɛl a nyɛ un, chen ni o zi kotiu a yisi ya a li ya tum tagna ni ya tiŋ un hali saha naa vɛ kpak bɔ.

Ju 9:16

Nar ŋɔ a chiŋsi ka o ha vɛ siwi, o nara wa zi pa o kina. Ba wa kitiŋ chenani o ŋɔ a chiŋi chen see ba biksi di o sir sou.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Jɔn 2:25

Ya kunyan ti fun vɔu di o zi nyɛ ya o mi fali naa vɛ kpak bɔu.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.