Ju 9:12 - Tampulma

¹² Kristo funɛ la zu lɛu naa Koosa fun du o tɔhɔn ti ni chen tuha a kaali doonani Koosa fun lisi kinkan a kpalimi dooni, o wa fun kpa buuna awa nupɔla chɛllɛ a nyɛ un dooni. O ka fun kpa o titi chɛl a nyɛ un, chen ni o zi kotiu a yisi ya a li ya tum tagna ni ya tiŋ un hali saha naa vɛ kpak bɔ.

Ju 9:12 Marejeleo ya Msalaba

Maak 3:29

Nara vɛ nyɛ Koosa siim weri ti jirima, Koosa wa zi gil chen a nyɛ ba, hali saha naa vɛ kpak bɔ.”

Luk 1:68

O fun ŋɔ, “Ya kunyana naa ya Ju tim Koosa, funɛ la o nara nyuunau a nyɛ ba. Ma nyɛ ya pɛgi un nan daha.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Kɔl. 1:14

A li o be daŋni ti ni, Koosa funɛ la ya nyuuna a nyɛ ya a gil ya tum tum tagna a ta.

1 Tɛs. 1:10

Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 10:19

Mu niinbisa, domi Yesu funɛ sou a nyɛ ya, ya na nyinbaanu lalaknɔ di ya zu lɛu ti dɛ mun dɛ ti doonani Koosa nyɛn.

Ju 10:4

Wutirɛ nuwal awa buun chɛl wa kikoti a chiŋi nibinsa tum tagna bar chiŋi ni.

Ju 13:12

Chendaha Yesu gbanko fun namsi kinkan a li Jɛrusalɛm gantɛl ni, chen ni o chɛl ti zi chiŋi ya tum tagna bar chiŋi niu.

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

Ju 7:27

O wa Ju tima Koosa dam kɔkɔɔrsi ta wa ya nibɛgim. Ba waa yaa fun te kɔɔri kɔɔra a nyɛ Koosa ni di a chiŋi ba tum tagna bar chiŋi ni, a zi kɔɔri kɔɔra a nyɛ Koosa ni di a chiŋi nara tum tagna bar chiŋi ni. Yesu wa zi daŋni o ya chen. O funɛ sou chen, o fun kpa o titi a kɔɔri kɔɔra a nyɛ Koosa ni bu bɛgim duŋduŋ.

Ju 9:13

Ju tim ta Koosa dam kɔkɔɔrsi ta yaa fun kpa buuna awa nuwala chɛl a nyɛ Koosa ni a kpa nupɔl a fu o bara a kpa tɔ ti a zaasi ba naa chɔk ba chi ti, chen ni ba chaksi ba gbampulim ni.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Ju 9:15

Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

Ju 9:19

Chen saha ti Mosis fun a biksi Ju tim ta chiksɛ naa maga Koosa fun kpa a nyɛ ba. O fun kpa nupɔla awa buuna a lisi a chɛl a lagmi ni ni. O fun kpa kiduha naa ba yir ‘hisɔp’, awa piisi pusa naa ba kpa tau kisɛm ni, a kpa lagmi dɔŋ ni a vɔu a tau ni wa chɛl ti ni a misi du Koosa chiksɛ tɔn awa nara tima maga ni.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

Ju 9:7

Ba Koosa dam kɔkɔɔrsi ta nihɛɛ ti duŋduŋ yaa fun si a la zu dɛ mun dɛ ti bun kam bu bɛgim. O fun kpa kɔɔri ti chɛl a nyɛ Koosa ni o tum tagna awa tum tagna naa nara tima vɛ zim di ba tumu daha.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.