Ju 9:11 - Tampulma

¹¹ Kristo naa ya ya Koosa dam kɔkɔɔra, nyinbaan ya kibirigi a kaali nyinbaan buni ti. Waa tum o tuma a nyɛ Koosa ni a li lɛu naa Koosa fun du o tɔhɔn ti ni. O waa zenee a kaali lɛu naa Ju tim ta fun du a li nyabaan ti ni saha digi chen.

Ju 9:11 Marejeleo ya Msalaba

Mat. 11:3

Ba funɛ la tel o wati, ba fun pɛɛsi un, “Hin ya baal naa Jɔn fun ŋɔ di i kaa wau chen, akoo yaa nyini nandigi nyinbaan nii?”

Mat. 2:6

‘Ba zi wa lul nyuhu tiinau a li Bɛtlihɛm ni. Waa la zi il mu Ju tima. Chendaha Bɛtlihɛm ya kibirigire a kaali tɔsi naa maga nyɛn Judia pulum ni.’ ”

Maak 14:58

“Ya funɛ nu chenani Yesu sɛm di o zi chɔk Koosa bar jɛɛmi dama naa ba kpa nisa a sa chenu, a burgi a sa un wuzu butora wuzu a ta kpa nisa a sa un.”

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 4:25

Haan ti fun ŋɔ un, “N zimu di Kristo naa Koosa fun ŋɔ di o kaa wa tumu wuzu digi chen, zi wau. O wa wa, o zi biksi ya wɛ magau.”

Tuma 7:48

“Amaa Solomon naa zenee kinkan a kaali a maga, o wa nyɛn damsi naa nibinsi sa ni. O witinsi ta digi fun sɔbi a li o sɛm tɔn ti ni di o ŋɔ,

2 Kɔr. 4:18

Ya baga wa to tɛɛnɛ nɔ maga kin nawara vɛ vusi ni. Ya baga ka nyɛnu a li kin nawara Koosa zi wa kpa nyɛ ya wuzu digi ni. A waa la zi nyɛn hali saha naa vɛ kpak bɔ.

2 Kɔr. 5:1

Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Ju 10:1

Koosa chiksɛ naa nyɛ Ju tim ta yaa fun kɔɔri kɔɔra a nyɛ Koosa ni bun kam, wa koti a yisi ba naa wa o wati, a li ba tum tagna ni hali a wa peti. Chendaha a waa ya kibirige naa Kristo zi ya nyɛ ya simsimsa duŋduŋ.

Ju 12:27

O fun ŋɔ di o zi bu wa nyɛ tɛɛnɛ nɔ maga zigsiu. Chen biksi ya di o zi wa zigsi kin nawara o fun naamiu a ta a yɔri. Kin nawara o zi vɛ wa zigsi, zi nyɛnu.

Ju 13:14

Ya wa kpak bar nyɛni a la zi nyɛn tɛɛnɛ nɔ maga ni a vusi. Ya pɔ Koosarɛ di o wa kpa ya a la zu o tɔhɔn ti.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Ju 4:15

Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.

Ju 7:1

Mɛlkizidɛk funɛ ya Koosa naa zenee, dam kɔkɔɔra a nyɛn saha digi. O funɛ ya tɔhɔn naa ba yir Selɛm, koorre. Wuzu digi Abraham fun la chem laal a kpu koorsa. O funɛ nyɛn nyinbaan ni a la dama chen, Mɛlkizidɛk fun la chem un a sumi Koosa a du un ni.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.