Ju 7:28 - Tampulma

²⁸ Ju tim ta yaa funɛ tiŋ Koosa chiksɛu a la lisi ba Koosa dam kɔkɔɔrsa ba naa vɛ kpak kpok. Koosa ka fun lisi o be ti di o ya ya Koosa dam kɔkɔɔra a hɛɛsi di o wa zi wa chɔk chenani o lisi chen. O funɛ biksi Koosa di o yaa kitiŋ o nɔ a li kina maga ni a nyɛn hali saha naa vɛ kpak bɔ.

Ju 7:28 Marejeleo ya Msalaba

Luk 13:32

Yesu fun ŋɔ ba, “Baal ti chi gbehere. Ma la ŋɔ un di zinan awa chɛ mu zi duŋni alizin tagnau a li nara ni aa tiibi wichɔɔrsa. Si chɔɔsirɛ n zi peti mu tuma.

Jɔn 19:30

Yesu funɛ nyɔ un a ŋɔ, “Mu tum petiu.” O fun gur o nyuha a sou.

Ju 1:2

Amaa bunsa nama nɛɛ o fun nyɛ o be Yesu Kristo biksi ya o wɛ. Koosa funɛ nyɛ o naami tɛɛnɛ nɔ maga awa buudaha, a fun lisi un di tɛɛnɛ nɔ maga awa buudaha siili saha wa tel, o zi wa dɔ kina magau.

Ju 2:10

O funɛ deŋliu di Koosa naa funɛ naami kina maga di a nyɛ un jirima, nyɛ o be Yesu namsi a sou a peti o tuma a chi chen, chen ni Koosa zi koti a yisi nidamatau a li ba tum tagna ni a nyɛ ba burgi o bisa ba naa wa Yesu la zi wa bɔni o jirima awa o chaani kinkan. Chenani Yesu sou funɛ nyɛ o burgi ba nyuhu tiina birigi.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 5:5

Chen vɛɛna, Kristo wa fun lisi o titi di o ya ya Koosa dam kɔkɔɔra, chen ni ya zi nyɛ un jirimau. Ba fun a sɔbi a li Koosa sɛm tɔn ti ni di o ŋɔ un, “Zinan mu fa biksi narau gbampulim ni di mu ya i nyana.”

Ju 7:21

Koosa funɛ nyɛ Yesu burgi ya Koosa dam kɔkɔɔra, o fun hɛɛsi di chenani o ya chen chiŋi. Ba fun sɔbi a li o sɛm tɔn ti ni di o ŋɔ un, “Hin ya mu dam kɔkɔɔra fali hali saha naa vɛ kpak bɔ. Mu fun hɛɛsi di mu wa zi chɛrgi mu bambi.”

Ju 7:24

Yesu ka ya ya Koosa dam kɔkɔɔra hali saha naa vɛ kpak bɔ. Nandigi wa kuwa chiŋi o bar chiŋi ni.

Ju 7:3

Nandigi wa zim doonani o nyan awa o niina akoo o nawaalsa nyɛn. Nandigi wa zim saha naa ba fun lul un akoo saha naa o fun sou. Waa ya Koosa dam kɔkɔɔra hali saha naa vɛ kpak bɔ, a chi Yesu naa ya Koosa be chen.