Ju 6:6 - Tampulma

⁶ O funɛ ya nan magwa a nyɛ ba ka ba bur o tiŋi ni. O chi ba funɛ kpaasi Koosa be ti a mari o daakakli ti chene a nyɛ nara bu na o hiisa gbampulim ni. Chendaha ba vɛ koti a gil ba tum tagna bilɛ tiina.

Ju 6:6 Marejeleo ya Msalaba

Mat. 19:26

Yesu fun a nyini ba a ŋɔ, “O li nibinsa wati, ba wa kikoti a wa zu dooni. Amaa o li Koosa wati, kundɔŋ wa to o zi ya a vɛ koti.”

Luk 11:48

Ma la nɔɔniu di chenani ma nawaalsa fun kpu Koosa witinsa ta chen, ba funɛ ya nɛnɛu. Chendaha ma fun kɔɔri a chen.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Ju 10:26

Ya funɛ nu Koosa wuti sɛmau a kpa ya nyuuna a vɔu tum tagna tumi, kɔɔri digi wa to a la zi nyɛ Koosa yisi ya a li a ni.

Ju 10:29

Nan funɛ du Ju tim ta ni chen saha digi, yɛrɛ o fu zi du ba naa kpa Koosa be a dau gbampulim ni a nɔsi? Ba kpa o chɛl naa chaksi ba bambe a nyɛ Koosa wa ba ya nɔ bɛgim a ŋɔ di o ya yɔrirɛ a pini Koosa siim weri naa la suŋi ba, zoma, ma wa lisi di Koosa zi wa lɛrgi ba diŋsau a kaali chenani Ju tim ta fun lɛrgi ba naa funɛ vɛ kpak wu digi wa Koosa chiksɛ saha digi chen diŋsauu?

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 6:4

Ba naa funɛ bur a li Koosa wuti nyinbaan ti ni, ba wa koti a bur tiŋ un. Ba se funɛ su Koosa ka ba zim un ka o fun kpa o siim weri ti a du ba ni.

2 Pita 2:21

Ba funɛ te wa zim Koosa wuti nyinbaan ti a vɛ Koosa chiksɛ ta a li a gantɛl ni. Ba fu vɛ wa zim o wuti nyinbaan ti, chen fu bɔɛɛ.

1 Jɔn 5:16

Ma na ma dɔŋtima ka ba tum tum tagna naa Koosa zi vɛ lɛrgi ba diŋsau ba siti, ma sumi un ba gil ba tum tagna ka o kpa o mi fali ti a nyɛ ba. Ba duŋduŋnɛ mu ŋɔ ma, di ma sumi Koosa a nyɛ ba chen. Nara tum tum tagna naa Koosa zi wa lɛrgi ba diŋsau ba siti, ma ta sumi Koosa a nyɛ ba.